Batumelebi | სოლიდარობა გათავისუფლებულ თანამშრომლებს – აჭარის ტელევიზიის წინ დღეს აქცია გაიმართება სოლიდარობა გათავისუფლებულ თანამშრომლებს – აჭარის ტელევიზიის წინ დღეს აქცია გაიმართება – Batumelebi

სოლიდარობა გათავისუფლებულ თანამშრომლებს – აჭარის ტელევიზიის წინ დღეს აქცია გაიმართება

აჭარის საზოგადოებრივი მაუწყებლის ალტერნატიული პროფესიული გაერთიანება აქციის გამართვას გეგმავს მოთხოვნით – დაუყოვნებლივ აღადგინონ სამსახურში გუშინ გათავისუფლებული თანამშრომლები: გიორგი მურვანიძე, შოთა (ბაჩო) გურაბანიძე და გურამ ქადიძე.

აქცია დღეს, 31 ივლისს, 19 საათზე გაიმართება აჭარის ტელევიზიასთან.

„გათავისუფლებელი თანამშრომლები წლების განმავლობაში ემსახურებოდნენ საზოგადოებრივ მაუწყებელს. დღეს მაუწყებლის ბადეში არსებული გადაცემის დიდი ნაწილი სწორედ ამ ადამიანების შრომის პროდუქტია.

ნაცვლად იმისა, რომ მენეჯმენტი ფიქრობდეს მაუწყებლის განვითარებაზე, არსებული პრობლემის მოგვარებაზე, მათი მთავარი ფუნქცია და დანიშნულება აქ დასაქმებული ადამიანების სამსახურიდან გაყრა, დაშინება და შანტაჟია. მაუწყებლის დირექტორის შეურაცხმყოფელმა დამოკიდებულებამ თანამშრომლების მიმართ პერმანენტული სახე მიიღო. მათი ამოსავალი წერტილი არა საზოგადოებრივი მაუწყებლის იდეა, არამედ პარტიული დავალებების შესრულებაა“, – აღნიშნული აჭარის საზოგადოებრივი მაუწყებლის ალტერნატიული პროფესიული გაერთიანების ფეისბუქგვერდზე.

___________

ფოტოზე: აქცია აჭარის ტელევიზიასთან. ედო მჟავანაძის ფოტო

ამავე თემაზე: 

აჭარის საზოგადოებრივ მაუწყებელში ჟურნალისტების დევნა გრძელდება – ქარტიის განცხადება

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com