Batumelebi | წელს საქართველოში 54 ადამიანი დაიკარგა, 20 პირს ამ დრომდე ეძებენ წელს საქართველოში 54 ადამიანი დაიკარგა, 20 პირს ამ დრომდე ეძებენ – Batumelebi
RU | GE  

წელს საქართველოში 54 ადამიანი დაიკარგა, 20 პირს ამ დრომდე ეძებენ

2020 წლის იანვრიდან ივნისის ჩათვლით საქართველოში 54 ადამიანი დაიკარგა, მათგან 13 არასრულწლოვანი იყო.

ბოლო ექვს თვეში დაკარგული 54 ადამიანიდან 34 იპოვეს [8 – გარდაცვლილი], 20 ადამიანი კი ამ დრომდე ეძებენ, მათ შორისაა 3 არასრულწლოვანი.

წელს 2020 წლის ივნისამდე დაკარგულთა უმრავლესობა საქართველოს მოქალაქე იყო, 1 – ნიდერლანდების, 1 – რუსეთის და 1 – თურქეთის. შსს-ს სტატისტიკის თანახმად, მათგან ორი, ნიდერლანდებისა და თურქეთის მოქალაქე, გარდაცვლილი იპოვეს.

ეს მხოლოდ ექვსი თვის სტატისტიკაა.

უგზო-უკვლოდ დაკარგულთა რაოდენობა გაცილებით უფრო დიდია, თუ დროის უფრო დიდ ინტერვალს ავიღებთ. შს სამინისტროს ინფორმაციით, ამ დროისათვის [1973-2020 წწ]  საქართველოში 986 ადამიანი იძებნება.

ყველაზე მეტი ადამიანი თბილისშია დაკარგული. 1973 წლიდან დღემდე დაკარგულ პირთა სტატისტიკა რეგიონების მიხედვით ასე ნაწილდება:

  • თბილისი – 351 დაკარგული
  • იმერეთი, რაჭა-ლეჩხუმი, ქვემო სვანეთი – 158 დაკარგული
  • შიდა ქართლი – 124 დაკარგული
  • ქვემო ქართლი – 80 დაკარგული
  • სამეგრელო-ზემო სვანეთი – 75 დაკარგული
  • კახეთი – 81 დაკარგული
  • აჭარა – 64 დაკარგული
  • სამცხე-ჯავახეთი – 15 დაკარგული
  • გურია – 14 დაკარგული
  • მცხეთა-მთიანეთი -15 დაკარგული
  • აფხაზეთი – 9 დაკარგული
ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com