Batumelebi | იაპონიამ 2.8 მლნ აშშ დოლარი გამოყო საქართველოს ჯანდაცვის სისტემისთვის იაპონიამ 2.8 მლნ აშშ დოლარი გამოყო საქართველოს ჯანდაცვის სისტემისთვის – Batumelebi
RU | GE  

იაპონიამ 2.8 მლნ აშშ დოლარი გამოყო საქართველოს ჯანდაცვის სისტემისთვის

იაპონიის მთავრობამ  საქართველოსთვის 300 მილიონი იენი, დაახლოებით 2.8 მლნ აშშ დოლარი, გამოყო.

დღეს, 22 ივლისს, საქართველოში იაპონიის სრულუფლებიანმა და საგანგებო ელჩმა ტადაჰარუ უეჰარამ და საქართველოს ფინანსთა მინისტრმა ივანე მაჭავარიანმა ხელი მოაწერეს ნოტების გაცვლას იაპონიასა და საქართველოს შორის, საქართველოსთვის სამედიცინო აღჭურვის გადაცემის მიზნით.

საქართველოში იაპონიის საელჩოს ცნობით, იაპონიის მთავრობის მიერ გამოყოფილი მხარდაჭერა არა მხოლოდ Covid19-ის პანდემიის პირობებში დაეხმარება საქართველოს, არამედ მიზნად ისახავს ხელი შეუწყოს საქართველოს საშუალო და გრძელვადიან სოციალურ-ეკონომიკურ განვითარებას, მათ შორის, სამედიცინო სისტემის გაძლიერებით.

უკვე 20 წელია იაპონია მხარს უჭერს საქართველოს მდგრად განვითარებას. მაგალითად, იაპონიის მთავრობის დაფინანსებულია აღმოსავლეთ-დასავლეთის გზატკეცილის განვითარება (პირველი ფაზა) და პროექტები გარემოს დაცვის მიმართულებით – მათ შორით, სუფთა ენერგიის წარმოებისათვის (მზის პანელების მეშვეობით თბილისის აეროპორტსა და ილიას სახელმწიფო უნივერსიტეტში (დაახლოებით 453 მილიონი აშშ დოლარი). ასევე, იაპონიის მთავრობამ დააფინანსა 18 მილიონი აშშ დოლარის ღირებულების 180 პროექტი „გრასრუტების ადამიანის უსაფრთხოების საგრანტო პროგრამის“ ფარგლებში ბოლო 20 წლის განმავლობაში.

იაპონიის საელჩოს ცნობით, იაპონიის მთავრობა მომავალშიც გააგრძელებს მხარდაჭერას და თანამშრომლობას სახელმწიფოს მედეგობის გასაზრდელად – მათ შორის ისეთი პროექტებით, რომლებიც ხელს უწყობს სოფლის მეურნეობისა და განათლების სექტორის განვითარებას.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com