Batumelebi | პირს, რომელიც საქართველოს საზღვარს უკანონოდ გადმოკვეთს, 14 დღით კარანტინში გადაიყვანენ პირს, რომელიც საქართველოს საზღვარს უკანონოდ გადმოკვეთს, 14 დღით კარანტინში გადაიყვანენ – Batumelebi
RU | GE  

პირს, რომელიც საქართველოს საზღვარს უკანონოდ გადმოკვეთს, 14 დღით კარანტინში გადაიყვანენ

საქართველოს სახელმწიფო საზღვრის უკანონო გადაკვეთისთვის გამოვლენილი პირების სავალდებულო 14-დღიანი იზოლაციის მიზნით, ჯანდაცვის მინისტრის მიერ დადგენილი წესის შესაბამისად საკარანტინე სივრცეში გადაყვანას, საქართველოს სასაზღვრო პოლიცია უზრუნველყოფს.

აღნიშნულ პირთა სავალდებულო კარანტინის ფარგლებში განთავსებას, კვებას, დასუფთავებას, უსაფრთხოებასა და საკარანტინო პერიოდში სათანადო პირობების შექმნას კი, საქართველოს ტურიზმის ეროვნული ადმინისტრაცია უზრუნველყოფს.

შესაბამისი განკარგულება საქართველოს მთავრობამ 17 ივლისს მიიღო და ის ვრცელდება 2020 წლის 10 ივლისიდან წარმოშობილ სამართლებრივ ურთიერთობებზე.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com