ბათუმში, ლეონიძის ქუჩაზე, ლიფტი ჩავარდა, რომელშიც 4 ადამიანი იმყოფებოდა.
სასწრაფო სამედიცინო დახმარების სამსახურის ინფორმაციით, ორ ადამიანს მსუბუქი დაზიანებები აღენიშნებოდა, ისინი საავადმყოფოში გადაიყვანეს.
შს სამინისტრომ გამოძიება სსკ-ის 124 მუხლით დაიწყო, რაც გულისხმობს ჯანმრთელობის ნაკლებად მძიმე ან მძიმე დაზიანებას, გაუფრთხილებლობით.
ლიფტის დაზიანების მიზეზთან დაკავშირებით „ბათუმელები“ აჭარის ფინანსთა და ეკონომიკის სამინისტროსგან ელოდება ინფორმაციას, რადგან სწორედ ეს უწყება უწევს მონიტორინგს ლიფტების ტექნიკურ მდგომარეობას.
