Batumelebi | ბათუმში კორონავირუსი ერთ ოჯახში 5 პირს დაუდასტურდა ბათუმში კორონავირუსი ერთ ოჯახში 5 პირს დაუდასტურდა – Batumelebi

ბათუმში კორონავირუსი ერთ ოჯახში 5 პირს დაუდასტურდა

აჭარაში კორონავირუსის 5 ახალი შემთხვევა დადასტურდა, საუბარია ერთ ოჯახში ინფიცირებულ 5 ადამიანზე. ამის შესახებ დღეს, 11 ივლისს, ჟურნალისტებთან განაცხადა აჭარის ჯანდაცვის მინისტრის მოადგილემ, ნინო ნიჟარაძემ.

ნინო ნიჟარაძის განცხადებით, ინფიცირების პირველწყარო სატვირთო მანქანის მძღოლია, რომელსაც თავდაპირველად ვირუსი არ დაუდასტურდა, ახლა კი ოჯახის 5 წევრი, მძღოლის ჩათცლით, ინფიცირებულია. ოთხი ინფიცირებული გადაყვანილია თბილისში, მათგან 2 არასრულწლოვანია.

ნინო ნიჟარაძის განცხადებით, შესწავლილია 18 კონტაქტი და ეპიდემიოლოგები აგრძელებენ სხვა კონტაქტების შესწავლას.

11 ივლისის მონაცემებით, საქართველოში ბოლო 24 საათში კორონავირუსის 8 ახალი შემთხვევა გამოვლინდა, გამოჯანმრთელდა 5 პაციენტი.

დღეის მონაცემებით, საქართველოში სულ დადასტურებულია კორონავირუსის 981 შემთხვევა, 851 პაციენტი განიკურნა, ხოლო 15 გარდაიცვალა.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com