Batumelebi | განზრახ მკვლელობის მაჩვენებელი 150 %-ით გაიზარდა წინა წელთან შედარებით განზრახ მკვლელობის მაჩვენებელი 150 %-ით გაიზარდა წინა წელთან შედარებით – Batumelebi

განზრახ მკვლელობის მაჩვენებელი 150 %-ით გაიზარდა წინა წელთან შედარებით

განზრახ მკვლელობის ჩადენის მაჩვენებელი წინა წელთან შედარებით 150 პროცენტით გაიზარდა. შინაგან საქმეთა სამინისტროს მიერ გამოქვეყნებული სტატისტიკის მიხედვით, 2020 წელს მაისის ჩათვლით 30 ადამიანი მოკლეს, გასული წლის ანალოგიურ პერიოდში – 12.

შინაგან საქმეთა სამინისტროს მონაცემებით, წელს 30-დან 24 საქმეა გახსნილი, 2019 წელს კი, სამართალდამცველებმა 8 საქმე გახსნეს.

წლის პირველ ხუთ თვეში სიცოცხლის წინააღმდეგ სულ 1219 დანაშაულია ჩადენილი, მათ შორის, დამამძიმებელ გარემოებაში მკვლელობის [109-ე მუხლი] საქმე იყო 18, გასული წლის ანალოგიურ პერიოდში – 16.

წელს, მაისის ჩათვლით, სულ 37 ადამიანის მკვლელობა სცადეს. ანალოგიური მაჩვენებელი იყო გასულ წელსაც.

ისევ მაღალია თვითმკვლელობამდე მიყვანის მუხლით ჩადენილი დანაშაულის მაჩვენებელიც – 2020 წლის მაისის ჩათვლით 979 ადამიანის წინააღმდეგ დაიწყო გამოძიება სისხლის სამართლის კოდექსის 115-ე მუხლის შესაბამისად, გასული წლის ანალოგიურ პერიოდში იყო – 993.

ნეტგაზეთის მასალების სხვა გამოცემებში გადაბეჭდვის წესი
ავტორი