აჭარაში კორონავირუსის კიდევ ერთი ახალი შემთხვევა დადასტურდა.
აჭარის ჯანდაცვის სამინისტროს ცნობით, შემთხვევა იმპორტირებულია, ინფიცირებული სატვირთო ავტომანქანის მძღოლია.
ამჟამად, ახალი შემთხვევის ჩათვლით, აჭარაში 6 პაციენტს მკურნალობენ Covid19-ზე.
ბოლო 24 საათში აჭარაში 633 ლაბორატორიული კვლევის შედეგი უარყოფითია კორონავირუსზე. ცხელების კლინიკებში მოთავსებულია 40 პირი, მათი კვლევის პასუხები ხვალ გახდება ცნობილი.
ჯამში აჭარაში კორონავირუსზე PCR ტესტი ჩაუტარდა 25 996 პირს. დღეს არსებული მონაცემებით კარანტინში იმყოფება 2313 პირი.
