განათლება,მთავარი,სიახლეები

ბათუმის რუსთაველის უნივერსიტეტის რექტორობა ორ კანდიდატს სურს

07.07.2020 • 3628
ბათუმის რუსთაველის უნივერსიტეტის რექტორობა ორ კანდიდატს სურს

ინგა შამილიშვილი და მერაბ ხალვაში – მხოლოდ ამ ორმა ასოცირებულმა პროფესორმა შეიტანა განაცხადი ბათუმის რუსთაველის სახელმწიფო უნივერსიტეტის რექტორობაზე. მერაბ ხალვაში ბსუ-ს მოქმედი რექტორია, ინგა შამილიშვილი – აჭარის განათლების ყოფილი მინისტრი და ბსუ-ს ასოცირებული პროფესორი. განცხადების მიღება დღეს,  16 საათზე შეწყდა.

ბსუ-ს საარჩევნო კომისიის თავმჯდომარის, გიორგი დიასამიძის თქმით, ბათუმის შოთა რუსთაველის სახელმწიფო  უნივერსიტეტის რექტორის არჩევნები 15 ივლისს ჩატარდება.

ამ დღეს კანდიდატები 12 საათიდან დაახლოებით 15:00 საათამდე აკადემიურ საბჭოს წარუდგენენ უნივერსიტეტის განვითარების სტრატეგიულ გეგმას, შემდეგ კი ჩატარდება კენჭისყრა.

ბსუ-ს აკადემიური საბჭო 11 წევრით არის დაკომპლექტებული. რექტორი არჩეულად მიიჩნევა აკადემიური საბჭოს 6 წევრის მხარდაჭერის შემთხვევაში.

აკადემიური საბჭოს წევრია მოქმედი რექტორი მერაბ ხალვაში. მას წესდება ხმის მიცემის უფლებას არ უზღუდავს. შესაბამისად, თუ მერაბ ხალვაში კენჭისყრაში მიიღებს მონაწილეობას, მას გარანტირებული ერთი ხმა უკვე აქვს.

მერაბ ხალვაში ბსუ-ს რექტორად 2016 წლის 18 ივლისს აირჩიეს.

____

მთავარი ფოტო: მერაბ ხალვაში და ინგა შამილიშვილი

გადაბეჭდვის წესი


ასევე: