აჭარის განათლების, კულტურისა და სპორტის მინისტრის პირველმა მოადგილემ, ჯემალ სურმანიძემ ხელვაჩაურის მუნიციპალიტეტში საჯარო სკოლების მშენებლობა-რეაბილიტაცია მოინახულა.
აჭარის ავტონომიური რესპუბლიკის განათლების, კულტურისა და სპორტის სამინისტრო ხელვაჩაურის მუნიციპალიტეტში ამ დროისათვის 6 ინფრასტრუქტურულ პროექტს ახორციელებს:
[checklist]
- მიმდინარეობს ქედქედის და ფერიის ახალი საჯარო სკოლების მშენებლობა. შენობებში გათვალისწინებულია ასევე სპორტული და სააქტო დარბაზები;
- მიმდინარეობს მახოს საჯარო სკოლის სპორტული დარბაზის მშენებლობა. ამავე შენობაში გათვალისწინებულია სააქტო დარბაზიც.
[/checklist]
ყველა შენობა იქნება ადაპტირებული, მოეწყობა ლიფტი. შენობები აღიჭურვება სასკოლო და სხვა საჭირო ინვენტარით. სამუშაოების დასრულება 2021 წელს იგეგმება. მიმდინარეობს ზემო ახალშენის და ჯოჭოს სკოლების სხვადასხვა სარეაბილიტაციო სამუშაოები. მიმდინარეობს თხილნარის N1 საჯარო სკოლის ბიბლიოთეკის რემოდელირება.
ზემოაღნიშნული პროექტების ჯამური ღირებულება აღემატება 7 მლნ. ლარს.
სამინისტრო რესურსცენტრებთან ერთად აქტიურად ახორციელებს სკოლების მიერ სველი წერტილების სარეაბილიტაციო სამუშაოების მონიტორინგს, რათა ყველა სკოლა სრულ მზადყოფნაში შეხვდეს ახალ სასწავლო წელს.
