Batumelebi | ახალი შეზღუდვები ისრაელში – საელჩო საქართველოს მოქალაქეებს აფრთხილებს ახალი შეზღუდვები ისრაელში – საელჩო საქართველოს მოქალაქეებს აფრთხილებს – Batumelebi

ახალი შეზღუდვები ისრაელში – საელჩო საქართველოს მოქალაქეებს აფრთხილებს

ისრაელში საქართველოს საელჩო ქვეყანაში მცხოვრებ საქართველოს მოქალაქეებს ახალი შეზღუდვების შესახებ აფრთხილებს.

„კორონავირუსით გამოწვეული ინფექციის გავრცელების თავიდან აცილების მიზნით, ისრაელის მთავრობამ 6 ივლისს ახალი შეზღუდვები დაამტკიცა.

დაიხურა სადღესასწაულო დარბაზები, ბარები, ღამის კლუბები, სპორტული დარბაზები, საცურაო აუზები და საკონცერტო დარბაზები.

რესტორნებში დამსწრეთა რაოდენობა 20-მდე შეიზღუდა, ხოლო ღია და დახურულ სივრცეში ნებადართული ზღვარი 30 ადამიანს შეადგენს,“ – აღნიშნულია განცხადებაში, რომელიც საელჩომ ფეისბუქზე გაავრცელა.

ისრაელში კორონავირუსით ინფიცირებულთა რაოდენობა კვლავ იზრდება. ჯონ ჯოპკინსის უნივერსიტეტის ბოლო მონაცემებით, ქვეყანაში Covid19-ით ინფიცირების 30 162 დადასტურებული შემთხვევაა, გარდაიცვალა 332 ადამიანი.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com