Batumelebi | „უნათესავო და უჯიშო რომ ვყოფილიყავი, მესამეჯერ პარლამენტარი არ ვიქნებოდი“ – ანზორ ბოლქვაძე „უნათესავო და უჯიშო რომ ვყოფილიყავი, მესამეჯერ პარლამენტარი არ ვიქნებოდი“ – ანზორ ბოლქვაძე – Batumelebi
RU | GE  

„უნათესავო და უჯიშო რომ ვყოფილიყავი, მესამეჯერ პარლამენტარი არ ვიქნებოდი“ – ანზორ ბოლქვაძე

„არავის ტენდერში არ ჩავრეულვარ არასდროს“ – განაცხადა დღეს, 24 ივნისს, საქართველოს პარლამენტის წევრმა, მაჟორიტარმა დეპუტატმა „საერთაშორისო გამჭვირვალობა – საქართველოს“ კვლევის საპასუხოდ.

„გამჭვირვალობამ“ გამოაქვეყნა კვლევა, რომლის თანახმადაც მაჟორიტარ ანზორ ბოლქვაძის ნათესავების სამმა კომპანიამ აჭარაში სახელმწიფო შესყიდვებიდან 2016-2020 წლებში 6 მილიონამდე ლარის შემოსავალი მიიღო.

„მესამე მოწვევის პარლამენტის წევრი ვარ და არასოდეს არავის ტენდერში არ ჩავრეულვარ. უნათესავო და უჯიშო რომ ვყოფილიყავი, მესამეჯერ პარლამენტის წევრი მე ნამდვილად არ ვიქნებოდი. ნათესავიც მყავს, ბიძაშვილიც მყავს, მეგობარიც მყავს, მეზობელიც მყავს და ასე შემდეგ, მაგრამ ერთი ვიცი, ყველას მისი ცხოვრება აქვს, ყველა თავისი ცხოვრებით იკაფავს გზას, ამიტომ მე ყველას წარმატება მინდა ვუსურვო.

არსებობს ჩემი დეკლარაცია, დეკლარაციაში ნაჩვენებია ჩემი ქონება, შრომაც და რაც გამაჩნია,“ – განაცხადა ანზორ ბოლქვაძემ.

ვრცლად ამ თემაზე: 

ანზორ ბოლქვაძის ნათესავების კომპანიებმა ოთხ წელში 6 მილიონის ტენდერები მოიგეს –  TI-ის კვლევა

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com