Batumelebi | თურქეთში 5,7 მაგნიტუდის მიწისძვრა ბათუმის მაღალ კორპუსებშიც იგრძნეს თურქეთში 5,7 მაგნიტუდის მიწისძვრა ბათუმის მაღალ კორპუსებშიც იგრძნეს – Batumelebi
RU | GE  

თურქეთში 5,7 მაგნიტუდის მიწისძვრა ბათუმის მაღალ კორპუსებშიც იგრძნეს

თურქეთში 5.7 მაგნიტუდის მიწისძვრა დაფიქსირდა, რასაც  შესაბამისი თურქული წყაროების ინფორმაცით, გავლენა ჰქონდა საქართველოსა და სომხეთზეც.

თურქული მედიაგამოცემა Daily Sabah – ის ინფორმაციით, მიწისძვრის ეპიცენტრი ბინგოლის პროვინცია იყო და იგი დაახლოებით 8 წამს გაგრძელდა, მიწისძვრის სიღრმე 5 კილომეტრი იყო.

თურქეთში მომხდარი მიწისძვრის შესახებ ინფორმაცია ამ დრომდე არ არის გამოქვეყნებული დედამიწის შემსწავლელ მეცნიერებათა ინსტიტუტის და სეისმური მონიტორინგის ეროვნული ცენტრის ელექტრონულ ბაზაში. ამ უწყებაში გვითხრეს, რომ ეს საშუალო კლასის  და ჩვენთან ნაკლებად საგრძნობი მიწისძვრა იყო.

„თუმცა მაღალსართულიან კორპუსებში ალბათ იქნებოდა საგრძნობი…. ეპიცენტრიდან ბათუმი დაახლოებით 260 – 280 კილომეტრითაა დაშორებული,“ – გვიპასუხეს სეისმური მონიტორინგის ცენტრში.

დამანგრეველი, 6.8 მაგნიტუდის სიმძლავრის მიწისძვრის თურქეთში იანვრის თვეშიც მოხდა.

___

მთავარი ფოტო: ბინგოლის პროვინცია, მიწისძვრის ეპიცენტრი

ამავე თემაზე:

6.8-ბალიანი მიწისძვრის მიწისქვეშა ბიძგების ხმა მკვლევარებმა ჩაიწერეს – თურქული მედია

ნეტგაზეთის მასალების სხვა გამოცემებში გადაბეჭდვის წესი
ავტორი