ბათუმის მუნიციპალური ინსპექციის მონაცემებით, პირბადის გარეშე მგზავრობისთვის 2000-მდე მგზავრს დაატოვებინეს ქალაქის მუნიციპალური ტრანსპორტი [როგორც ავტობუსი, ასევე სამარშრუტო მიკროავტობუსი, 29 მაისიდან 11 ივნისამდე პერიოდში].
ამავე პერიოდში, მუნიციპალურ ავტობუსებში უბილეთოდ მგზავრობისთვის 103 მოქალაქე დააჯარიმეს. ინსპექციის ინფორმაციით, უბილეთოდ მგზავრობისთვის ჯარიმა 20 ლარია.
მუნიციპალურმა ავტობუსებმა და სამარშრუტო მიკროავტობუსებმა ბათუმში მუშაობა 29 მაისიდან განაახლეს.
მუნიციპალური ინსპექციის ინფორმაციით, მუშაობის განახლებიდან დღემდე ავტობუსები 32 000-ჯერ, ხოლო მიკროავტობუსები 25 100-ჯერ შეამოწმეს.
—
საქართველოს პარლამენტში, პლენარულ სხდომაზე პირველი მოსმენით მხარი დაუჭირეს კანონპროექტს, რომლითაც დახურულ საჯარო სივრცეში პირბადის ტარების წესის დარღვევისთვის ფიზიკური პირი 20 ლარით დაჯარიმდება, იურიდიული პირი კი – 500 ლარით.
