მთავარი,სიახლეები,ჯანმრთელობა

დაიღალეთ დაღლილობით? – ანუ რა არის ქრონიკული დაღლილობის მიზეზი

06.06.2020 • 4124
დაიღალეთ დაღლილობით? – ანუ რა არის ქრონიკული დაღლილობის მიზეზი
ქრონიკული დაღლილობის სინდრომი რთული დარღვევაა, რომელიც ხასიათდება უკიდურესი დაღლილობით, რაც არ შეიძლება აიხსნას რაიმე ძირითადი სამედიცინო მდგომარეობით. ასეთი დაღლილობა შეიძლება გაუარესდეს ფიზიკური ან გონებრივი აქტივობით, მაგრამ არ გაუმჯობესდება დასვენებით. თერაპევტი თამარ დონდუა ამბობს, რომ ქრონიკული დაღლილობის სინდრომი ხშირად რაღაც სხვა დაავადების სიმპტომია. “ამიტომ ადამიანმა ქრონიკული დაღლილობის შეგრძნებით, უნდა მიმართოს ექიმს, რათა დადგინდეს მიზეზი –  დაავადებაა ეს, თუ დღის რეჟიმია მოსაწესრიგებელი”, – ამბობს ის.

[yellow_box]სიმპტომები[/yellow_box]

პირველ რიგში, ქრონიკული დაღლილობის ნიშანია ის, რომ ადამიანი დილიდანვე იღვიძებს დაღლილი და უკვე ფაქტობრივად ენერგიაგამოცლილია, ან გაღვიძებიდან რამდენიმე საათში გრძნობს დაღლილობასა და ძილიანობას”, – ამბობს თამარ დონდუა. გარდა ამისა, ქრონიკული დაღლილობის მიზეზი შეიძლება იყოს ვიტამინების ნაკლებობა. “ხშირად ეს არის D ვიტამინის ნაკლებობა”, – ამბობს ექიმი.

ქრონიკული დაღლილობის სინდრომის ნიშნები და სიმპტომები შეიძლება მოიცავდეს მუდმივ დაღლილობას, მათ შორის დილითაც (ახალგაღვიძებულზე), მეხსიერების ან კონცენტრაციის დაკარგვა, გაფართოებული ლიმფური კვანძები ყელსა და იღლიებში, კუნთების ან სახსრების აუხსნელი ტკივილი, თავის ტკივილი, ძილი, რომლის შემდეგადაც არ ვგრძნობთ დასვენებულად თავს, ფიზიკური ან გონებრივი ვარჯიშის შემდეგ ძლიერი დაღლილობა.

Mayo Clinic:ქრონიკული დაღლილობის სინდრომის დიაგნოზის დასადასტურებლად არ არსებობს ტესტი. ასეთ პაციენტთან შეიძლება საჭირო გახდეს სხვადასხვა სამედიცინო ტესტი, რომ გამორიცხოს ჯანმრთელობის სხვა პრობლემები, რომელთაც აქვთ მსგავსი სიმპტომები. ქრონიკული დაღლილობის სინდრომის მკურნალობა ფოკუსირებულია სიმპტომების შემსუბუქებაზე.

[yellow_box]რა შეიძლება იყოს მიზეზი?[/yellow_box]

ქრონიკული დაღლილობის სინდრომის მიზეზი შესაძლოა იყოს იმუნური სისტემის პრობლემები, ჰორმონალური დისბალანსი ან ვირუსული ინფექციები. თერაპევტი ამბობს, რომ ერთ-ერთი მიზეზი შესაძლოა იყოს ჰემოგლობინის ნაკლებობაც, ანუ სისხლნაკლებობა, “რადგან ჰემოგლობინი არის რკინისა და ჟანგბადის ნაერთი, რომელიც მიდის ჩვენს ორგანიზმში ყველა უჯრედამდე, თუ ჰემოგლობინის ნაკლებობა აქვს ადამიანს, თავის ტვინი განიცდის ჟანგბადის ნაკლებობას და აქედან გამომდინარე დაღლილობაც გამოწვეულია ამით”, – ამბობს თამარ დონდუა.

[yellow_box]როცა პრობლემა დღის განრიგია?[/yellow_box]

ძალიან ხშირად ქრონიკული დაღლილობის შეგრძნება უკავშირდება ძილის არასწორ ჰიგიენას – ანუ როცა ადამიანს ძილ-ღვიძილის პროცესი აქვს არეული, თუ სძინავს მხოლოდ რამდენიმე საათი. მიზეზი შეიძლება იყოს სტრესული, დაძაბული და არანორმირებული სამუშაო გრაფიკი, რის გამოც ადამიანს ღამითაც უწევს მუშაობა. 

“აუცილებელია ძილის მოწესრიგება, უნდა ვეცადოთ დავიძინოთ იმ დღეს, როცა დაღამდება – 12 საათამდე, რადგან სწორედ ღამის ძილის პერიოდში ხდება სეროტონინის გამომუშავება, ანუ იმ ჰორმონის, რომელიც სიმშვიდეს იწვევს ადამიანში”, – ამბობს ექიმი თერაპევტი. თამარ დონდუას განმარტებით, ღამის ძილი ვერ ჩანაცვლდება თუ ადამიანს ამდენივე დრო სძინავს დღისით: “ჩვენი ბიორიტმი ასეა მოწყობილი – ღამე უნდა გვეძინოს და დღისით ვფხიზლობდეთ. ხშირად ახალგაზრდებშია ეს დარღვევა, ღამის ცხოვრების გამო, კომპიუტერის გამოყენების გამო… ტელეფონები და გაჯეტები უნდა გადადო გვერდზე და თორმეტისთვის უდნა ეცადო დაიძინო”.

ექიმი ამბობს, რომ ღამით უნდა გვეძინოს 7-8 საათს – ასე  ადამიანი იღვიძებს აბსოლუტურად ნორმალურ განწყობაზე.

გადაბეჭდვის წესი


ასევე: