რეკლამა,სიახლეები

აჭარის გზების დეპარტამენტი საგზაო ინფრასტრუქტურის სამუშაოებს ხუთივე მუნიციპალიტეტში ახორციელებს

29.05.2020 • 3071
აჭარის  გზების დეპარტამენტი საგზაო ინფრასტრუქტურის სამუშაოებს ხუთივე მუნიციპალიტეტში ახორციელებს

აჭარის საავტომობილო გზების დეპარტამენტი ხუთივე მუნიციპალიტეტში საგზაო ინფრასტრუქტურის სამუშაოებს აქტიურად ახორციელებს.

ამჯერად ხელვაჩაურში კიდევ ერთი ინფრასტრუქტურული პროექტი დასრულდა. ახალსოფელში 1,320 კმ. სიგრძის მონაკვეთზე ორფენიანი ასფალტობეტონის საფარი, ცხაურები და კიუვეტები მოეწყო. პროექტის ღირებულება 173 000 ლარია.  გზა წლების განმავლობაში ამორტიზებული იყო და ადგილობრივებს გადაადგილებისას პრობლემები ექმნებოდათ. სარეაბილიტაციო სამუშაოების შედეგად სოფელში მცხოვრებ ოთხასამდე ოჯახს გადაადგილება გაუმარტივდება. ასევე რეაბილიტირებული გზით ისარგებლებენ სკოლისა და ბაგა-ბაღის მოსწავლეები.

ამასთან, ხელვაჩაურის მუნიციპალიტეტში 500 მეტრ მონაკვეთზე ასფალტობეტონის საფარის დაგება მიმდინარეობს.

ჯიბინაური-ბროლაძეების გზის რეაბილიტაციის პროექტის ფარგლებში, წყალგამტარი მილები და ბეტონის სანიაღვრე არხები მოეწყო. რეაბილიტაცია ჩაუტარდა ორ სამანქანო ხიდს.

აღნიშნული გზა ხელვაჩაურის მუნიციპალიტეტში ზედა ახალშენისა და განახლების ადმინისტრაციულ ერთეულებს დაუკავშირდება და უმოკლესი შემოვლითი გზის ფუნქციას შეასრულებს. რეაბილიტირებული გზით 300 ოჯახი ისარგებლებს.

რაც შეეხება ქობულეთის მუნიციპალიტეტს, რამდენიმე დღეში კიდევ ერთი გზის მოასფალტების სამუშაოები დასრულდება.

სოფელ ქობულეთი-სკურდას ხეობის საავტომობილო გზაზე ასფალტობეტონის საფარის მოწყობის სამუშაოები მიმდინარეობს.

პროექტი 900 მეტრი სიგრძის მონაკვეთზე ხორციელდება. პროექტის ფარგლებში მოეწყო 4463 კვ.მ ასფალტობეტონის ორფენიანი საფარი და 1035 გრძ.მ. სხვადასხვა ტიპის დამცავი-ხელოვნური ნაგებობა. პროექტის ღირებულება 797 000 ლარია.

2017 წელს ძლიერი წვიმის შედეგად ადიდებულმა მდინარემ გზის გარკვეული ნაწილი წაიღო. სწორედ, აღნიშნული გზა აღდგა სრულად.

სარეაბილიტაციო სამუშაოების შედეგად სოფელში მცხოვრები 70 ოჯახი ახალი გზით ისარგებლებს.

აჭარის საავტომობილო გზების დეპარტამენტმა აჭარის სამ მუნიციპალიტეტში – ქობულეთში, ხელვაჩაურსა და ხულოში, შიდა სასოფლო მნიშველობის გზების ბეტონირების სამუშაოები დაიწყო.

პროექტის ფარგლებში სამივე მუნიციპალიტეტისთვის 4 299 000 ლარია გამოყოფილი.

მიმდინარე წელს ქობულეთის მუნიციპალიტეტში ცხრა ათას კუბ ბეტონს დააგებენ, ხელვაჩაურში – ექვსი ათასს, ხოლო ხულოში – ათი ათას ხუთასი კუბი ბეტნის დაგებაა დაგეგმილი.

გადაბეჭდვის წესი


ასევე: