Batumelebi | „ხოფის ბაზრობა“ ბათუმში 2 ივნისს გაიხსნება „ხოფის ბაზრობა“ ბათუმში 2 ივნისს გაიხსნება – Batumelebi

„ხოფის ბაზრობა“ ბათუმში 2 ივნისს გაიხსნება

ბათუმში, აღმაშენებლის ქუჩაზე მდებარე სავაჭრო ცენტრი [ე.წ. ხოფის ბაზრობა] სრულად 2 ივნისიდან გაიხსნება. ბაზრობაზე ამ დრომდე მხოლოდ სურსათის სექციები მუშაობს, რომლებსაც მუშაობა არც საგანგებო მდგომარეობის დროს შეუჩერებიათ.

„1-ლი ივნისი თვის პირველი ორშაბათია და ბაზრობა დაკეტილი იქნება სანიტარული დღის გამო. მომდევნო დღიდან კი ბაზრობა გაიხსნება და ყველა სექცია იმუშავებს,“ – გვითხრეს სავაჭრო ცენტრის ადმინისტრაციაში.

ბათუმში პირველ ივნისს გაიხსნება:

  • ბაზრობა ფალავანდიშვილის ქუჩაზე [წერეთლისა და პუშკინის ქუჩებს შორის; ყოფილი 23-ე [ახლა მე-11] საჯარო სკოლის მიმდებარედ];
  • ბაზრობა პუშკინის ქუჩაზე [ყოფილი უნივერსამის შენობაში].

ბაზრობებს მოუწევთ ახალი კორონავირუსის გავრცელების პრევენციის მიზნით გაცემული რეკომენდაციების დაცვა.

„პირველი ივნისიდან გაიხსნება ყველა სახის ღია მაღაზია, მათ შორის მოლები, ღია და დახურული ყველა სახის ბაზრობა“ – ამის შესახებ საქართველოს პრემიერ-მინისტრმა 27 მაისს განაცხადა:

„ვირუსის გავრცელება ქვეყანაში ექვემდებარება კონტროლს“ – გახარია

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com