აჭარის ჯანდაცვის სამინისტროს ინფორმაციით, ბათუმში 254 პირის ლაბორატორიული კვლევის შედეგი Covid-19-ზე უარყოფითია.
დღეის მონაცემებით, ცხელების კლინიკებში მოთავსებულია 35 პირი, მათი კვლევის პასუხები დღის ბოლოს გახდება ცნობილი.
30 აპრილის შემდეგ აჭარაში კორონავირუსით ინფიცირების ახალი შემთხვევა არ გამოვლენილა.
ჯამში, აჭარაში კორონავირუსი დაამარცხა და კლინიკა დატოვა 70-მა პაციენტმა, გარდაიცვალა 2 ადამიანი.
ამჟამად რეგიონში არ არის პაციენტი კორონავირუსის დიაგნოზით.
28 მაისის მონაცემებით [12 სთ], საქართველოში სულ დადასტურებულია კორონავირუსის 738 შემთხვევა. აქედან გამოჯანმრთელდა 573 ადამიანი, გარდაიცვალა – 12.
