Batumelebi | აჭარის მთავრობა ქობულეთს ზღვის პირას მიწის ნაკვეთს სთხოვს აჭარის მთავრობა ქობულეთს ზღვის პირას მიწის ნაკვეთს სთხოვს – Batumelebi

აჭარის მთავრობა ქობულეთს ზღვის პირას მიწის ნაკვეთს სთხოვს

აჭარის მთავრობა ქობულეთის მუნიციპალიტეტს სთხოვს საკუთრებაში გადასცეს 11 487 კვადრატული მეტრი მიწის ნაკვეთი დავით აღმაშენებლის ქუჩაზე, ზღვასთან ახლოს, მისი შემდგომი განკარგვის მიზნით. ამ ნაკვეთს ერთი მხრიდან შპს „გრინ რიზორთის“ საკუთრებაში არსებული ნაკვეთი ესაზღვრება.

გოლფის მოედნისა და ე.წ. მწვანე ქალაქის მოსაწყობად აჭარის მთავრობამ კომპანია „გრინ რეზორტს“ ქობულეთში 180 ჰექტარამდე მიწა, ხელშეკრულებით ნაკისრი ვალდებულებების შესრულების პირობით გადასცა. მიწის ნაკვეთები ზღვიდან 700 მეტრში, ფიჭვნარის თავისუფალ ტურისტულ ზონასა და ქობულეთის სახელმწიფო ნაკრძალთან მდებარეობს.

ქობულეთში მდებარე სამ ნაკვეთზე აჭარის ფინანსთა და ეკონომიკის სამინისტრომ „გრინ რეზორტსთან“ ნასყიდობის ხელშეკრულებები 2019 წლის 21 მარტს გააფორმა. ნაკვეთების საერთო ფართობი 1 796 308 კვ.მ-ია.

შპს „გრინ რიზორთი“ ჩეხეთის რესპუბლიკის მოქალაქეებს ეკუთვნით, ხოლო დირექტორად ლევან შერაზადაშვილი ფიქსირდება.

მთავრობამ გოლფის მოედნის მოსაწყობად ინვესტორი იპოვა – პრემიერი დღეს პრეზენტაციას დაესწრება

 

 

ნეტგაზეთის მასალების სხვა გამოცემებში გადაბეჭდვის წესი
ავტორი