შს სამინისტროს ცნობით, ბოლო 24 საათის განმავლობაში საგანგებო მდგომარეობის რეჟიმის და ე.წ. კომენდანტის საათის დარღვევის 79 ახალი ფაქტი გამოვლინდა.
პოლიციამ, 20 მაისის 21 საათიდან 21 მაისის დილის 6 საათამდე, ე.წ. კომენდანტის საათის დარღვევის ფაქტზე, მთელი ქვეყნის მასშტაბით, 74 მოქალაქე დააჯარიმა, მგზავრთა გადაყვანისა და ავტომობილით გადაადგილების წესის დარღვევის ფაქტზე კი 4 პირი დააჯარიმეს. პოლიციამ, ასევე, თვითიზოლაციის წესის დარღვევის 1 ახალი ფაქტი გამოავლინა.
საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით.
23 მაისიდან საქართველოში საგანგებო მდგომარეობა და კომენდანტის საათი უქმდება. ამის შესახებ დღეს, 21 მაისს განაცხადა საქართველოს მთავრობამ.