Batumelebi | რისი უფლება ეძლევათ მასწავლებლობის მაძიებელ პირებს – მინისტრის ახალი ბრძანება რისი უფლება ეძლევათ მასწავლებლობის მაძიებელ პირებს – მინისტრის ახალი ბრძანება – Batumelebi

რისი უფლება ეძლევათ მასწავლებლობის მაძიებელ პირებს – მინისტრის ახალი ბრძანება

საქართველოს განათლების მინისტრის, მიხეილ ჩხენკელის ბრძანებით, მასწავლებლობის მაძიებელ იმ პირებს, რომლებმაც 2020 წლის 2 მარტიდან  ზოგადსაგანმანათლებლო დაწესებულებებში სასწავლო პროცესის შეჩერების გამო ვერ შეძლეს მასწავლებლობის მაძიებლობის ინტენსიური მოკლევადიანი პროგრამით გათვალისწინებული ვალდებულებების შესრულება, უფლება აქვთ აღნიშნული ვალდებულებები შეასრულონ მომდევნო სასწავლო წლის პირველ სემესტრში.

ამავე ბრძანების მიხედვით, მასწავლებლობის მაძიებლის მიერ მასწავლებლობის მაძიებლობის პროგრამა წარმატებულად გავლილად ჩაითვლება იმ შემთხვევაში, თუ მასწავლებლობის მაძიებელი აკადემიურ და პედაგოგიური პრაქტიკის კურსში შეფასდება დადებითად და თუ წარმატებით ჩაბარებული აქვს ან წარმატებით ჩააბარებს საგნის გამოცდას.

მასწავლებლობის მაძიებლობის პროგრამა მოიცავს: აკადემიურ კურსს; პედაგოგიური პრაქტიკის კურსს; საგნის გამოცდის წარმატებით ჩაბარების ვალდებულებას  კანონმდებლობით დადგენილი წესით.

მინისტრის ბრძანება 20 მაისს გამოქვეყნდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com