Batumelebi | საელჩოს განცხადება თურქეთში სამკურნალოდ წასვლაზე – საჭიროა კლინიკის წერილი საელჩოს განცხადება თურქეთში სამკურნალოდ წასვლაზე – საჭიროა კლინიკის წერილი – Batumelebi

საელჩოს განცხადება თურქეთში სამკურნალოდ წასვლაზე – საჭიროა კლინიკის წერილი

საქართველოს საელჩო თურქეთის ტერიტორიაზე პაციენტების შესვლის თაობაზე განმარტებას აკეთებს.

საელჩოს განცხადებით,  ამ ეტაპზე, ანკარაში საქართველოს საელჩოს არ მიუღია ოფიციალური ინფორმაცია უცხოელი პაციენტების თურქეთის ტერიტორიაზე შემოსვლასთან დაკავშირებული რეგულაციებისა და პირობების თაობაზე.

„შესაბამისად, ქართველი პაციენტების თურქეთში შემოსვლისთვის საჭირო ნებართვის მოპოვების საკითხი რეგულირდება უკვე არსებული პრაქტიკით – ანკარაში საქართველოს საელჩოს შუამდგომლობით თურქეთის შესაბამის უწყებებთან.

აღნიშნულისთვის კი, საჭიროა: თურქეთის შესაბამისი კლინიკის მოწვევის წერილი (სადაც მითითებული იქნება პაციენტისა და თანმხლები პირის პირადი ინფორმაცია); კლინიკის მიერ რეანომობილის გამოყოფა, პაციენტისა და თანმხლები პირის სარფის სასაზღვრო-გამშვები პუნქტიდან კლინიკამდე ტრასპორტირების მიზნით“ – აღნიშნულია საელჩოს განცხადებაში.

თურქეთის ჯანმრთელობის სამინისტროს პაციენტის უფლებებისა და სამედიცინო სოციალური მომსახურების პალატის ოფიციალური ინფორმაციით, 20 მაისიდან საქართველოს [სხვა ქვეყნებსაც] მოქალაქეებს, რომლებსაც გადაუდებელი სამედიცინო დახმარება სჭირდებათ, შეეძლებათ თურქეთში გამგზავრება. დოკუმენტის თანახმად, პაციენტებს გამგზავრება შეუძლიათ, როგორც სახმელეთო, ისე საჰაერო გზით.

ამავე თემაზე: 

ქართველი პაციენტები 20 მაისიდან თურქულ კლინიკებში გამგზავრებას შეძლებენ

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com