Batumelebi | ინგლისური ენის 30 ამერიკელი ასისტენტი რეგიონების უნივერსიტეტებში  ინგლისური ენის 30 ამერიკელი ასისტენტი რეგიონების უნივერსიტეტებში  – Batumelebi

ინგლისური ენის 30 ამერიკელი ასისტენტი რეგიონების უნივერსიტეტებში 

Fulbright-ის პროგრამა ფართოვდება და მის ფარგლებში ამოქმედდება პროექტი – „ინგლისური ენის სწავლების ასისტენტი“ (ETA), რომლის ფარგლებშიც აშშ-სა და საქართველოს შორის დადებული მემორანდუმის საფუძველზე, საქართველოს ამერიკიდან Fulbright-ის სტიპენდიატები ეწვევიან, რომლებიც რეგიონებში უნივერსიტეტებს ინგლისური ენის სწავლებაში დაეხმარებიან.

განათლების სამინისტროს ინფორმაციით, პროექტი ხელს შეუწყობს რეგიონული უმაღლესი საგანმანათლებლო დაწესებულებების ინტერნაციონალიზაციის პროცესს.

„ETA-ს პროგრამა მიზნად ისახავს საქართველოს უნივერსიტეტებში ინგლისური ენის მაღალი ხარისხით სწავლების ხელშეწყობას. მემორანდუმის ფარგლებში აშშ-სა და საქართველოს მთავრობა თანაბრად დააფინანსებს წელიწადში ინგლისური ენის სწავლების 6 ამერიკელ ასისტენტს, რაც მომდევნო ხუთი წლის განმავლობაში, საერთო ჯამში, 30 ასისტენტის ჩამოყვანას გულისხმობს“, – ნათქვამია განათლების სამინისტროს მიერ გავრცელებულ განცხადებაში.

მემორანდუმს ხელი მოაწერეს აშშ-ის ელჩმა საქართველოში კელი დეგნანმა და საქართველოს განათლების მინისტრმა მიხეილ ჩხენკელმა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com