Batumelebi | „ვერ მივიღებ ბრალდებას, რომ რაღაც სამთავრობო ტელევიზიები გვყავს“ – თორნიკე რიჟვაძე „ვერ მივიღებ ბრალდებას, რომ რაღაც სამთავრობო ტელევიზიები გვყავს“ – თორნიკე რიჟვაძე – Batumelebi

„ვერ მივიღებ ბრალდებას, რომ რაღაც სამთავრობო ტელევიზიები გვყავს“ – თორნიკე რიჟვაძე

იზიარებს თუ არა თორნიკე რიჟვაძე უმაღლესი საბჭოს უმრავლესობის დეპუტატების მოსაზრებას იმაზე, რომ აჭარის ტელევიზიაში მიმდინარე პროცესი სარედაქციო პოლიტიკის შეცვლის მცდელობა კი არა, მხოლოდ შიდა დაპირისპირებაა?

„ტელევიზიების საქმეში ერთმნიშვნელოვნად არ ვერევი“, – გვიპასუხა თორნიკე რიჟვაძემ, რომელიც დღეს, 13 მაისს სავაჭრო-სამრეწველო პალატაში ექსპერტებს შეხვდა.

აჭარის მთავრობის თავმჯდომარეს TV25-ის ჟურნალისტმა ჰკითხა, „რატომ აიგნორებს ამ ტელევიზიის შეთავაზებას“, მონაწილეობა მიიღოს გადაცემაში და კონკრეტულ კითხვებს უპასუხოს.

„ჩვენ არავის ვაიგნორებთ. ამ ბრალდებასაც ვერ მივიღებთ, რომ რაღაც სამთავრობო ტელევიზიები გვყავს და მხოლოდ იქ დავდივართ. მერწმუნეთ, რომ საკმაოდ არაკეთილგანწყობილ ტელევიზიებთან და ასევე წამყვანებთან ვყოფილვარ სტუმრად,“ – აღნიშნა თორნიკე რიჟვაძემ და იქვე დასძინა, რომ როცა დრო და სურვილი ექნება, მაშინ უპასუხებს, მაგალითად, TV 25-ს:

„როცა მექნება ამის დრო და სურვილი, როცა გადავწყვეტ, მაშინ მოვალ“, -თქვა თორნიკე რიჟვაძემ.

____

დღეს, 13 მაისს, ქართული ონლაინ მედიასაშუალებების ნაწილმა, ასევე სხვა მედიასაშუალებებმა, აჭარის ტელევიზიის ჟურნალისტების სოლიდარობის ნიშნად ფეისბუკზე მთავარი ფოტო შეცვალეს სოლიდარობის გამომხატველი წარწერით.

დღეს, 13 მაისს აჭარის ტელევიზიის ჟურნალისტების სოლიდარობის ნიშნად აქცია გაიმართა 

აჭარის ტელევიზიის დირექტორმა, გიორგი კოხრეიძემ სხვადასხვა ინსტრუმენტის გამოყენებით აჭარის ტელევიზიის საინფორმაციო გამოშვებას და სხვა გადაცემებს 10 წამყვანი ჟურნალისტი ჩამოაშორა.

არაერთი საერთაშორისო ორგანიზაცია ამ ფაქტს აფასებენ პოლიტიკურ ზეწოლად. ამის მიუხედავად, საქართველოს ხელისუფლება აჭარის ტელევიზიაში არსებულ კრიზისს საერთო ვერ ამჩნევს, ადგილობრივი ხელისუფლება კი აცხადებს, რომ ეს პროცესი აჭარის ტელევიზიის შიდა საქმეა და ისინი ამაში არ ერევიან.

ნეტგაზეთის მასალების სხვა გამოცემებში გადაბეჭდვის წესი
ავტორი