Batumelebi | ქალი: დღეს ჩემებმა მხოლოდ ტყემალი და პური ჭამეს, მშივრები არიან ქალი: დღეს ჩემებმა მხოლოდ ტყემალი და პური ჭამეს, მშივრები არიან – Batumelebi

ქალი: დღეს ჩემებმა მხოლოდ ტყემალი და პური ჭამეს, მშივრები არიან

ტექსტი ქვეყნდება სტილის დაცვით

______

ვის მივმართო?!

თურქეთში დავდიოდი/ვმუშაობდი და ოჯახს ვარჩენდი. ახლა ვზივარ უთეთროდ მშიერი. ვის მივმართო დახმარებისთვის? რამდენს მივმართე? – ბევრსსს…

20 მარტი იყო, როდესაც მირიანს მივმართე [მირიან ქათამაძე, ქობულეთის გამგებელი]. მოვიდნენ და მცირედი ამანათი მოიტანეს. მერე, აპრილში, ისევ მივმართე. მისი პასუხი ეს იყო – რომ „მე თქვენ დაგეხმარეთ ამანათითო“. სამჯერ მივწერე, გაუსაძლისი მდგომარეობა მქონდა. ფეისბუქზე დავდე ჩემი ოქროს ჯვარი და 40 ლარში გავყიდე. არაფერს აღარ დავეძებდი, ოღონდ ბავშვები დამეპურებინა.

რას ვიყიდდი 40 ლარში?

მერე მივმართე ბონდო თედორაძეს [ქობულეთის საკრებულოს წევრი]. გამოიჩინა ყურადღება და დამეხმარა….

ახლა შემოსავალი არაფერი მაქვს – ბავშვების 40 ლარის გარდა. დღეს ჩემები მშიერ კუჭზე ტყემალს და პურს ჭამენ. ამ ტყემალს მხოლოდ მარილს ვურთავ, არც სურნელი და არც არაფერი…

წუხელ სასწრაფო მყავდა – კუჭი გამიფუჭდა უჭმელობით. ახლაც ცუდად ვარ. კუჭი ლამის გამიხმეს.

ვის ვთხოვო, ვის მივმართო, მიპასუხეთ?

მე ვმუშაობდი, ჩემი ქმარიც და შიშიც არ მქონდა არაფრის. ახლა კი ვზივართ ბედის ანაბარად მე, ჩემი მეუღლე და ორი შვილი – ერთი 15 წლისაა და მეორე 13 წლის…

ველოდები, როდის გაიხსნება ეს გზა, რომ გადავიდე თურქეთში და ვიმუშაო ….იქნებ მიიტანოთ ჩემი მდგომარეობა გულთან და დაგვეხმაროთ…

მადლობა წინასწარ.

მე ასეთ მდგომარეობამდე მიმიყვანა კორონავირუსმა, თორემ არასოდეს მშიებია.

ლია, 39 წლის.

ქალაქი ქობულეთი, 20 მაისი.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.