Batumelebi | ბათუმში Covid19-ით დღეს გარდაცვლილი კაცის ცოლიც კორონავირუსით გარდაიცვალა აპრილში ბათუმში Covid19-ით დღეს გარდაცვლილი კაცის ცოლიც კორონავირუსით გარდაიცვალა აპრილში – Batumelebi
RU | GE  

ბათუმში Covid19-ით დღეს გარდაცვლილი კაცის ცოლიც კორონავირუსით გარდაიცვალა აპრილში

ბათუმში 81 წლის კაცს, რომელიც დღეს, 11 მაისს, კორონავირუსით გარდაიცვალა კლინიკა „მედალფაში“, თანმხლები დაავადებები ჰქონდა, მათ შორის, გადატანილი ჰქონდა ინსულტი.

როგორც „ბათუმელებისთვის“ გახდა ცნობილი, კორონავირუსითაა გარდაცვლილი მისი ცოლიც, 71 წლის ქალი. იგი კოვიდინფიცირებული პირველი პაციენტი იყო, რომელიც ბათუმში 18 აპრილს გარდაიცვალა. ქალს მძიმე თანმხლები დაავადებები ჰქონდა, მათ შორის: შაქრიანი დიაბეტი და გულ-სისხლძარღვთა დაავადება.

ცოლ-ქმარი ე.წ. ქობულეთის კლასტერიდან იყო. კორონავირუსით არიან ინფიცირებული ოჯახის სხვა წევრებიც, რომლებსაც თბილისში მკურნალობენ.

აჭარაში კორონავირუსით ორი პაციენტი, ქობულეთელი ცოლ-ქმარი გარდაიცვალა, 43 პაციენტი კი გამოჯანმრთელდა.

11 მაისის მონაცემებით, საქართველოში დადასტურებულია ახალი კორონავირუსის 638 შემთხვევა, მათგან გამოჯანმრთელდა 317 ადამიანი, გარდაიცვალა – 11.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com