ბათუმის ცხელების ცენტრში დილით მოთავსებულ 25 პაციენტს Covid-19 არ დაუდასტურდა. ინფორმაციას აჭარის ჯანდაცვის სამინისტრო ავრცელებს.
მერვე დღეა ბათუმში კორონავირუსით დაინფიცირების შემთხვევა არ დაფიქსირებულა. ამ დროისთვის მკურნალობას 15 ინფიცირებული განაგრძობს. აჭარაში, ჯამში, 40 პაციენტი გამოჯანმრთელდა.
დღეს, 8 მაისს, ქობულეთის 6 სოფელი გაიხსნა, აქ თერმოსკრინინგი 33 788 ადამიანს ჩაუტარდა. საქართველოში კორონავირუსის დიაგნოზით კი, მე-10 პაციენტი გარდაიცვალა.
8 მაისის 20 საათის მონაცემებით, საქართველოში კორონავირუსით დადასტურებულია 623 შემთხვევა, მათ შორის, გამოჯანმრთელდა – 288. კარანტინის რეჟიმში ამ დროისთვის იმყოფება 4702 ადამიანი, სტაციონარში მეთვალყურეობის ქვეშ – 459.
