Batumelebi | კორონავირუსით დაინფიცირდა რუსეთის კულტურის მინისტრი  კორონავირუსით დაინფიცირდა რუსეთის კულტურის მინისტრი  – Batumelebi

კორონავირუსით დაინფიცირდა რუსეთის კულტურის მინისტრი 

რუსეთის კულტურის მინისტრს ოლგა ლიუბიმოვას კორონავირუსი დაუდასტურდა. ინფორმაციას ამის შესახებ, სამინისტროს პრესსამსახურზე დაყრდნობით, საინფორმაციო სააგენტო interfax-ი ავრცელებს.

ლიუბიმოვას სპიკერის თქმით, დაავადება მსუბუქი ფორმით მიმდინარეობს, მინისტრი სახლიდან მუშაობს და ჰოსპიტალიზაცია საჭირო არ არის.

30 აპრილს კორონავირუსი აღმოაჩნდა რუსეთის მთავრობის თავმჯდომარეს მიხაილ მიშუსტინს, რომელიც სამედიცინო დაწესებულებაში მკურნალობს და მისი მოვალეობის შემსრულებლად იმავე დღეს დაინიშნა რუსეთის პრემიერ-მინისტრის პირველი მოადგილე ანდრეი ბელუსოვი.

გარდა ამისა, 1-ელ მაისს ცნობილი გახდა, რომ კორონავირუსით დაინფიცირდა აგრეთვე მშენებლობის სამინისტროს ხელმძღვანელი, ვლადიმერ იაკუშევი და მისი მოადგილე დიმიტრი ვოლკოვი – წერს ინტერფაქსი.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან