მთავარი,სიახლეები

მძიმეა ბათუმში ავარიის შედეგად დაშავებულის მდგომარეობა, შემთხვევას ერთი ადამიანი ემსხვერპლა

03.05.2020 • 2537
მძიმეა ბათუმში ავარიის შედეგად დაშავებულის მდგომარეობა, შემთხვევას ერთი ადამიანი ემსხვერპლა

ბათუმში, ახალი ბულვარის მიმდებარედ, ავტოავარიის შედეგად დაშავებული ახალგაზრდის მდგომარეობა ამ დრომდე მძიმეა. შემთხვევა გუშინ, 2 მაისს მოხდა. ავარიის შედეგად ერთი ახალგაზრდა დაიღუპა და ორი დაშავდა.

დაშავებულები სასწრაფო სამედიცინო სამსახურმა კლინიკა „მედინაში“ და ბათუმის სამედიცინო ცენტრში გადაიყვანა.

„18 წლის ახალგაზრდა იმყოფება რეანიმაციის დეპარტამენტში მრავლობითი მოტეხილობით. მისი მდგომარეობა მძიმეა“, – გვითხრეს ბათუმის სამედიცინო ცენტრში.

რაც შეეხება მეორე დაშავებულ ახალგაზრდა კაცს, „მედინაში“ გვითხრეს, რომ ამ დროისთვის მისი მდგომარეობა სტაბილურია და ამზადებენ საოპერაციოდ.

შინაგან საქმეთა სამინისტროს ინფორმაციით, მომხდარზე გამოძიება დაიწყო სისხლის სამართლის კოდექსის 276-ე მუხლის მე-6 ნაწილით: ტრანსპორტის მოძრაობის უსაფრთხოების ან ექსპლუატაციის წესის დარღვევა რამაც ადამიანის სიცოცხლის მოსპობა გამოიწვია, – ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

გადაბეჭდვის წესი


ასევე: