Batumelebi | პაციენტს, რომელსაც კორონავირუსი აღარ აქვს, კლინიკიდან ვერ წერენ პაციენტს, რომელსაც კორონავირუსი აღარ აქვს, კლინიკიდან ვერ წერენ – Batumelebi

პაციენტს, რომელსაც კორონავირუსი აღარ აქვს, კლინიკიდან ვერ წერენ

ბათუმში, კორონავირუსით ინფიცირებულ პაციენტს, რომელსაც კორონავირუსი მეორე საკონტროლო კვლევით არ უდასტურდება, კლინიკიდან ვერ წერენ.

როგორც ჟურნალისტებთან აჭარის ჯანდაცვის მინისტრის მოადგილემ, ნინო ნიჟარაძემ განმარტა, პირს სხვა ქრონიკული დაავადებები აქვს, რის გამოც ის კლინიკაში რჩება.

გვყავს მძიმე პაციენტი, რომელსაც მეორადი საკონტროლო კვლევით კორონავირუსი არ უდასტურდება. თუმცა მას აქვს მძიმე ქრონიკული დაავადებები და ისეთი კლინიკური გამოხატულება, რაც არ აძლევს ექიმებს საშუალებას, რომ განკურნებულში გაიყვანონ და კლინიკიდან გაწერონ. ამიტომ ის ამ ნარჩენი მოვლენების გამო განაგრძობს კლინიკაში მკურნალობას,“ –  განმარტა ნინო ნიჟარაძემ.

2 მაისის მდგომარეობით ბათუმში, კლინიკა „მედალფაში“ კორონავირუსით ინფიცირებული 24 პაციენტი მკურნალობს.

2 მაისის დილის მონაცემებით, ბათუმში, ცხელების კლინიკებში ჯამურად 40 პირია მოთავსებული და  მათი ლაბორატორიული კვლევის შედეგებს დღის განმავლობაში ელიან.

აჭარაში სულ 31 ადამიანი განიკურნა ვირუსისგან.

ნეტგაზეთის მასალების სხვა გამოცემებში გადაბეჭდვის წესი
ავტორი