Batumelebi | აჭარაში ვაქცინაციის პროცესში დამატებით 5 კლინიკა ჩაერთო აჭარაში ვაქცინაციის პროცესში დამატებით 5 კლინიკა ჩაერთო – Batumelebi
RU | GE  

აჭარაში ვაქცინაციის პროცესში დამატებით 5 კლინიკა ჩაერთო

დღეს, ქობულეთში, ფაიზერით ვაქცინაციის პროცესი დაიწყო. ქობულეთის მუნიციპალიტეტის ორი სამედიცინო დაწესებულება – “ქობულეთის რეგიონული საავადმყოფო” და “ქობულეთის სამედიცინო ცენტრი” დღის განმავლობაში  300-მდე პირს მოემსახურება. თითოეულ დაწესებულებაში ორ-ორი ამცრელი კაბინეტი ფუნქციონირებს.

საყოველთაო ვაქცინაციის ფარგლებში, იმ კლინიკების რაოდენობა, რომლებიც განახორციელებენ მოქალაქეების “ფაიზერით” ვაქცინაციას ბათუმშიც გაიზარდა. ჩამონათვალს დაემატა “ევექსისი ჰოსპიტლები – “ბათუმის რეფერალური საავადმყოფო”, “საზღვაო ჰოსპიტალი” და მაღალტექნოლოგიური ჰოსპიტალი “მედცენტრი”.

ამავე ვაქცინით იმუნიზაციის პროცესი გრძელდება ბათუმის რესპუბლიკურ კლინიკურ საავადმყოფოში. ბათუმში “ფაიზერით” ვაქცინაცია 4 კლინიკაში ჩატარდება.

აჭარაში ჯამში, 6 კლინიკაში 19 ამცრელი კაბინეტი ფუნქციონირებს.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან