Batumelebi | ბავშვთან ქორწინება იყო სისხლის სამართლის 200-მდე საქმეში დანაშაულის მოტივი – შსს ბავშვთან ქორწინება იყო სისხლის სამართლის 200-მდე საქმეში დანაშაულის მოტივი – შსს – Batumelebi
ნეტგაზეთი • RU

ბავშვთან ქორწინება იყო სისხლის სამართლის 200-მდე საქმეში დანაშაულის მოტივი – შსს

შს სამინისტროს ინფორმაციით,  200-მდე სისხლის სამართლის საქმიდან, რომელიც ადამიანის უფლებათა დაცვისა და გამოძიების ხარისხის მონიტორინგის დეპარტამენტმა 2019 წელს ქვეყნის მასშტაბით შეისწავლა, დანაშაულის მოტივი ბავშვთან ქორწინება იყო.

„აღნიშნული მაჩვენებელი თითქმის იდენტურია 2018 წლის მონაცემების, რაც 176 შემთხვევას შეადგენს,“ – ამბობს შსს.

ამავე წყაროს ცნობით, 2019 წელს, 2018 წელთან შედარებით, გაზრდილია შესაძლო ქორწინების იძულების დანაშაულებზე (სსკ-ის 150-ე პრიმა მუხლი) პოლიციისადმი მომართვიანობისა და სისხლისსმართლებრივი დევნის დაწყების მაჩვენებელი.

„კერძოდ, 2019 წელს არასრულწლოვანი გოგონას შესაძლო ქორწინების იძულების თაობაზე გამოძიება დაიწყო 14 ფაქტზე, ხოლო 2018 წელს – 9 ფაქტზე. ასევე, 2019 წელს სისხლისსამართლებრივი დევნა დაიწყო 5 პირის მიმართ, ხოლო 2018 წელს – 1 პირის მიმართ“.

დღეს, 30 აპრილს, ბავშვობის ასაკში ქორწინებასთან დაკავშირებული დანაშაულების დროულ გამოვლენასა და ეფექტიანი გამოძიების თემაზე ონლაინკონფერენციაც გაიმართა, რომელსაც სახელმწიფო უწყების, საერთაშორისო და ადგილობივი არასამთავრობო ორგანიზაციების წარმომადგენლები ესწრებოდნენ.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com