Batumelebi | უმაღლესმა საბჭომ აჭარის ბიუჯეტში ცვლილებებს მხარი დაუჭირა უმაღლესმა საბჭომ აჭარის ბიუჯეტში ცვლილებებს მხარი დაუჭირა – Batumelebi
RU | GE  

უმაღლესმა საბჭომ აჭარის ბიუჯეტში ცვლილებებს მხარი დაუჭირა

კორონავირუსის პანდემიის გამო აჭარის 2020 წლის რესპუბლიკურ ბიუჯეტში ცვლილებები შევიდა, რის გამოც, მთავრობის განმარტებით, ცალკეული გადასახდელების მოცულობა შემცირდება 23 მილიონ 370 ათას 3 00 ლარით. თუმცა ეს თანხა სრულად მოხმარდება ბიუჯეტიდან სხვა ღონისძიებების დაფინანსებას.

ბიუჯეტის ცვლილებას უმაღლესმა საბჭომ საგანგებო სხდომაზე დღეს, 30 აპრილს, უყარა კენჭი. 13 ხმით ორის წინააღმდეგ ბიუჯეტის ცვლილებების პროექტი დამტკიცდა. პროტესტის ნიშნად კენჭისყრაში მონაწილეობა არ მიუღიათ დეპუტატებს „ერთიანი ნაციონალური მოძრაობიდან“.

ცვლილებები შეეხო მთელ რიგ სამთავრობო უწყებებს. მაგალითად, 90 ათასი ლარით შემცირდა უმაღლესი საარჩევნო კომისიის დაფინანსება. 250 ათასი ლარით შემცირდა აჭარის მთავრობის აპარატის ხარჯები.

აჭარის ფინანსთა და ეკონომიკის სამინისტროს დაფინანსება შეუმცირდა 9 762 600 ლარით.

აჭარის განათლების, კულტურისა და სპორტის სამინისტროს დაფინანსება შემცირდა 9 454 700 ლარით.

აჭარის ჯანმრთელობისა და სოციალური დაცვის სამინისტროში 744 ათას 500 ლარი გამოთავისუფლდა, ხოლო სოფლის მეურნეობის სამინისტროში – 2,9 მილიონი ლარი.

ამ თემაზე:

განათლებისა და ფინანსთა სამინისტროების დაფინანსება 19 მილიონით მცირდება – აჭარის საგანგებო ბიუჯეტი

 

ნეტგაზეთის მასალების სხვა გამოცემებში გადაბეჭდვის წესი
ავტორი