Batumelebi | აჭარაში კორონავირუსის 1 ახალი შემთხვევა დადასტურდა აჭარაში კორონავირუსის 1 ახალი შემთხვევა დადასტურდა – Batumelebi
RU | GE  

აჭარაში კორონავირუსის 1 ახალი შემთხვევა დადასტურდა

აჭარაში Covid-19-ის ერთი ახალი შემთხვევა დადასტურდა. აღებული 210 ანალიზიდან ერთს დაუდასტურდა ახალი კორონავირუსი.

აჭარის ჯანდაცვის მინისტრის მოადგილის, ნინო ნიჟარაძის ინფორმაციით, შემთხვევა უკავშირდება ქობულეთის კლასტერს და პირი იზოლაციაში იმყოფებოდა. ინფიცირებული 60 წლამდე ასაკის ქალია.

„მას აქვს მინიმალური კლინიკური ნიშნები“ – განაცხადა ნინო ნიჟარაძემ.

ქობულეთის კლასტერს უკვე 36 შემთხვევა უკავშირდება, მათგან 5 პირი განიკურნა და მათ კლინიკა დატოვეს.

მინისტრის მოადგილემ ასევე აღნიშნა, რომ კლინიკა „მედალფაში“ 31 პირს მკურნალობენ ახალი კორონავირუსის დიაგნოზით.

რაც შეეხება ცხელების ცენტრებს, ამჟამად ბათუმში 28 პირის კვლევის შედეგებს ელოდებიან.

საქართველოში კორონავირუსით ინფიცირებულთა რიცხვი ბოლო 24 საათში 22-ით გაიზარდა და 539-ს მიაღწია. 30 აპრილის 10 საათის მონაცემებით, გამოჯანმრთელებულია 178 პაციენტი. გამოჯანმრთელებულთა რაოდენობამ 24 საათში 10-ით მოიმატა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com