საქართველოს მთავრობის პრესსპიკერის, ირაკლი ჩიქოვანის ინფორმაციით, მთავრობა ეკონომიკის ანტიკრიზისულ გეგმას ორ ეტაპად პარასკევს, 24 აპრილს, წარადგენს:
„ეს იქნება მიზნობრივი სოციალური და ბიზნესის დახმარების ანტიკრიზისული გეგმა“.
მისივე ინფორმაციით, მთავრობამ შეძლო კრიზის პირობებში 3 მილიარდზე მეტი დოლარის, როგორც საერთაშორისო დახმარების მობილიზება დონორებიდან.
მთავრობის პრესსპიკერმა დღევანდელ ბრიფინგზე ისაუბრა ასევე ეკონომიკის სექტორში პრობლემების დაძლევის მიზნით მთავრობის მიერ უკვე განხორციელებულ ნაბიჯებზე. ასეთ გადაწყვეტილებებად მან კომუნალური გადასახადების სუბსიდირება, საშემოსავლო და სხვა ეკონომიკური გადასახადების, ასევე, საბანკო სესხების გადავადება დაასახელა.
ირაკლი ჩიქოვანის ინფორმაციით, მთავრობა 24 აპრილს წარადგენს ასევე საგანგებო მდგომარეობის პირობებში დაწესებული შეზღუდვების ეტაპობრივი შემსუბუქების, ასევე, „ეკონომიკის გახსნის გეგმას“.
დღესვე ირაკლი ჩიქოვანმა განაცხადა, რომ საგანგებო მდგომარეობა 22 მაისამდე გაგრძელდება, ხოლო მსუბუქი ავტომანქანებით გადაადგილება 27 აპრილამდე ისევ აკრძალულია.
