ჯანდაცვის მსოფლიო ორგანიზაციის ბრიფინგზე ორგანიზაციის გენერალურმა დირექტორმა, ტედროს გებრეისუსმა აშშ-ს ბრალდების საპასუხოდ თქვა, რომ ჯანმოს არანაირი საიდუმლო არ აქვს:
„ინფორმაციის მიღების პირველი დღიდან ორგანიზაციას არაფერი დაუმალავს არც ერთი ქვეყნისთვის, მათ შორის, არც აშშ-სთვის. არ არსებობს საიდუმლო ჯანმოში. რაიმეს საიდუმლოდ შენახვა საფრთხის შემცველია, რადგან ეს ჯანმრთელობის თემაა, ინფორმაცია უნდა გავრცელდეს დაუყოვნებლივ“.
რამდენიმე დღის წინ აშშ-ს პრეზიდენტმა დონალდ ტრამპმა ჯანმოს დაფინანსება შეუჩერა და განაცხადა, რომ ჯანმომ დროულად არ გაავრცელა გაფრთხილება ახალი კორონავირუსის საშიშროების შესახებ და ბევრი შეცდომა დაუშვა COVID-19-თან ბრძოლაში.
„ჩვენ ჯანმოში ინფორმაციას ვიღებთ რიცხვებში – ამდენი ადამიანი დაინფიცირდა ან ამდენი ადამიანი მოკვდა.
ჩვენ არ ვხედავთ ცალკეულ რიცხვებს, ჩვენ ვხედავთ ინდივიდებს ამ რიცხვების უკან. ვხედავთ ადამიანებს, რადგან ნებისმიერი, ვინც კვდება, არის ვინმეს შვილი, მამა, დედა, ბებია ან ბაბუა. ბევრი ადამიანი კარგავს მისთვის ძვირფას ადამიანს… ამიტომაც ჩვენ არ ვმალავთ არანაირ ინფორმაციას ჯანმოში. როგორც კი რაიმე ინფორმაცია გვაქვს, დაუყოვნებლივ ვავრცელებთ, რათა გადავარჩინოთ ადამიანების სიცოცხლე, თუნდაც ეს იყოს ერთი სიცოცხლე, რომელსაც დაკარგვის შემდეგ უკან ვერ დააბრუნებ,” – განაცხადა ტედროს გებრეისუსმა.
ამავე თემაზე:
https://netgazeti.ge/news/443989/
