ჯანდაცვის მსოფლიო ორგანიზაციის ბრიფინგზე ჯანმოს გენერალურმა დირექტორმა ტედროს გებრეისუსმა განაცხადა, რომ მათ უკვე დაიწყეს კლინიკური კვლევები სამ ვაქცინაზე, ხოლო კიდევ 70 ვაქცინაზე დაჩქარებული ტემპით განაგრძობენ მუშაობას.
90-ზე მეტი ქვეყანა შეუერთდა ჯანმოს გლობალურ კვლევას, სახელად – “სოლიდარობა”. მასში 900-ზე მეტი პაციენტია დარეგისტრირებული, რათა შეაფასონ COVID-19-ის საწინააღმდეგო ოთხი წამლის და ამავე წამლების კომბინაციების უსაფრთხოება და ეფექტურობა.
კვლევაში, სახელად სოლიდარობა, მოწმდება ოთხი სხვადასხვა წამალი ან მათი კომბინაციები:
- რემდესივირი
- ორი წამლის კომბინაცია – ლოპინავირი და რიტონავირი
- ორ პრეპარატს პლუს ინტერფერონი ბეტა
- ქლოროქინი
ტედროს გებრეისუსმა ასევე აღნიშნა, რომ ჯანმომ შეკრიბა კლინიცისტების ჯგუფები, რომლებიც დააკვირდებიან კორტიკოსტეროიდებისა და სხვა ანთების საწინააღმდეგო წამლებით მკურნალობის შედეგებს:
„კერძოდ, ჩვენ ვაკვირდებით ჟანგბადის გამოყენებისა და მართვითი სუნთქვის სტრატეგიებს პაციენტებში. ნებისმიერი ჩარევა, რომელიც შეამცირებს მართვითი სუნთქვის აპარატების საჭიროებას და გააუმჯობესებს კრიტიკულად მძიმე პაციენტების შედეგებს, არის ძალიან მნიშვნელოვანი, განსაკუთრებით სამედიცინო რესურსების სიმცირის პირობებში, სიცოცხლეების გადასარჩენად,” – ამბობს ჯანმოს გენერალური დირექტორი.
ამავე თემაზე:
2 მასშტაბური კვლევა კორონავირუსის სამკურნალო საშუალების დასადგენად
