თბილისის ანძა თურქეთის დროშის ფერებში განათდა. ეს გადაწყვეტილება კორონავირუსთან ბრძოლაში თურქეთის მხარდასაჭერად მიიღეს.
„ამ ბრძოლაში ჩვენ თქვენ გვერდით ვართ. გვჯერა, ერთად დავამარცხებთ პანდემიას. ამ მესიჯს საქართველო თურქ ხალხს უგზავნის,“ – აღნიშნულია თბილისის მერიის მიერ გავრცელებულ ინფორმაციაში.
დღევანდელი, 15 აპრილის მდგომარეობით, თურქეთში დაფიქსირებულია კორონავირუსის გავრცელების 69 392 შემთხვევა, მათგან გარდაიცვალა 1518 ადამიანი. თურქეთი ვირუსის გავრცელების მასშტაბით მსოფლიოში მე-9 ადგილზეა.
თბილისის ანძა აქამდე სიმბოლურად განათდა ესპანეთის, იტალიის, აშშ-ს, დიდი ბრიტანეთის და ჩრდილოეთ ირლანდიის, გაერთიანებული სამეფოს და საფრანგეთის დროშების ფერებით.
