მინისტრთა საბჭოს სხდომის შემდეგ, საფრანგეთის მთავრობის ხელმძღვანელმა, ედუარდ ფილიპმა დღეს განაცხადა, რომ მედპერსონალისთვის, რომლებიც დაავადებულებს უვლიან, ბონუსად 1500 ევროს გასცემენ.
ბონუსი შეეხება ყველა მედპერსონალს, ვისაც Covid 19-ის შემთხვევებთან აქვს საქმე, განსაკუთრებით კი დაზარალებულ რეგიონებში, ასევე დაწესებულებებში მომუშავეებს, რომლებიც არ არიან განსაკუთრებით დაზარალებულ რეგიონებში, მაგრამ იღებენ Covid 19-ით ინფიცირებულ პაციენტებს.
დანარჩენი სამედიცინო პერსონალი მიიღებს პრემიას 500 ევროს ოდენობით. გაცემული ბონუსებიდან მედპერსონალს საშემოსავლო გადასახადი არ ჩამოეჭრება.
საფრანგეთმა მარტის დასასრულს უმუშევრად დარჩენილებისთვისაც აამოქმედა სოციალური პროგრამები, სამუშაო სტაჟის მიუხედავად ფულადი კომპენსაცია დაუწესდათ მშობლებს, რომლებიც შინ ბავშვებს უვლიან. კომპენსაცია მშობლების ხელფასის არანაკლებ 90%-ია.
15 აპრილის მდგომარეობით, საფრანგეთში 131 365 პირია კოვიდ 19-ით ინფიცირებული, მათგან 15 729 პირი გარდაიცვალა.
_____
ამავე თემაზე:
