Covid-19-ის მასიური გავრცელების სრულად შეჩერება შესაძლებელი იქნება მხოლოდ მისი საწინააღმდეგო ვაქცინის არსებობის შემთხვევაში – ამის შესახებ ჯანდაცვის მსოფლიო ორგანიზაციის გენერალურმა დირექტორმა ტედროს გებრეისუსმა ჯანმოს ბრიფინგზე განაცხადა.
„უსაფრთხო და ეფექტური ვაქცინის შემუშავება და მიწოდება იქნება აუცილებელი იმისთვის, რომ ვირუსის გადაცემა სრულად შეწყდეს” – თქვა ტედროს გებრეისუსმა.
ის ამ განცხადებით გამოეხმაურა რამდენიმე ქვეყნის ინიციატივას, მოხსნან ვირუსის პრევენციისთვის დაწესებული აკრძალვები.
„ზოგიერთი ქვეყანა ფიქრობს იმაზე, თუ როდის მოხსნიან ამ შეზღუდვებს; სხვები განიხილავენ საკითხს, საერთოდ აამუშაონ თუ არა ეს აკრძალვები და როდის. ორივე შემთხვევაში მიღებული გადაწყვეტილებების მიღებისას უნდა ვიხელმძღვანელოთ მოსახლეობის ჯანმრთელობის დაცვის ინტერესებით და გადაწყვეტილება მივიღოთ იქედან გამომდინარე, რა ცოდნაც უკვე გვაქვს ვირუსზე“ – თქვა მან.
დღეს, 14 აპრილს, საქართველოს პრემიერ-მინისტრმა, გიორგი გახარიამ განაცხადა, რომ საგანგებო მდგომარეობა საქართველოში 10 მაისამდე უნდა გაგრძელდეს. ამავე ბრიფინგზე გახარიამ სხვა გამკაცრებულ ზომებზეც ისაუბრა, მათ შორის იმაზე, რომ 4 ქალაქში: თბილისში, რუსთავში, ბათუმსა და ქუთაისში 15 აპრილიდან, საღამოს 9 საათის შემდეგ შესვლა-გამოსვლა იკრძალება.
მსოფლიოში COVID-19-ით დაინფიცირების მაჩვენებელი 2 მილიონს უახლოვდება, ამ ვირუსით გარდაცვლილთა რიცხვი კი 121,726 -ია. გამოჯანმრთელდა 3 მილიონამდე ადამიანი.
