Batumelebi | საგაზაფხულო გაწვევა 22 აპრილიდან განახლდება საგაზაფხულო გაწვევა 22 აპრილიდან განახლდება – Batumelebi
ნეტგაზეთი • RU

საგაზაფხულო გაწვევა 22 აპრილიდან განახლდება

საქართველოს მთავრობის 10 აპრილის დადგენილებით, მოქალაქეთა 2020 წლის საგაზაფხულო გაწვევა 2020 წლის 22 აპრილიდან 2020 წლის 30 ივნისამდე პერიოდში გაგრძელდება.

საქართველოში 22 აპრილამდე საგანგებო მდგომარეობაა გამოცხადებული.

სამხედრო სავალდებულო სამსახურში მოქალაქეთა საგაზაფხულო გაწვევა 2020 წლის 3 თებერვლიდან დაიწყო და 2020 წლის 30 ივნისამდე უნდა გაგრძელებულიყო, თუმცა, კორონავირუსის გავრცელების გამო გაწვევა მარტის თვეში შეწყდა [თავდაპირველად 3 აპრილამდე, შემდეგ კი – საგანგებო მდგომარეობის პერიოდით].

პარალელურად, ახალი კორონავირუსის გავრცელების საპრევენციო ღონისძიებებში თავდაცვის ძალები, 31 მარტიდან, ქვეყნის მთელს ტერიტორიაზე ჩაერთო.

ამ დრომდე, თავდაცვის ძალები მხოლოდ ბოლნისისა და მარნეულის საკარანტინო ზონაში მონაწილეობდნენ.

პრემიერ-მინისტრის 2020 წლის 10 აპრილის ბრძანებით კი, თავდაცვის ძალები ლენტეხის მუნიციპალიტეტში გასატარებელ საკარანტინო ღონისძიებებშიც ჩაერთნენ.

გაგრძელდება თუ არა საგანგებო მდგომარეობა 22 აპრილის შემდეგ, მთავრობას ჯერ გადაწყვეტილი არ აქვს.

ამ თემაზე:

ყველაფერი საგანგებო მდგომარეობაზე პრეზიდენტის დეკრეტზე

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com