პუტინმა კორონავირუსის გავრცელების პირობებში რამდენჯერმე მიმართა რუსეთის მოსახლეობას, ამჯერად გუშინ, 8 აპრილს, ქვეყნის სხვადასხვა რეგიონის მმართველებს შეხვდა და ვირუსულ ინფექციაზე ისაუბრა.
„ყველაფერი მთავრდება, ესეც გაივლის. ჩვენმა ქვეყანამ მრავალ განსაცდელს გაუძლო: ხან პაჭანიგები [კავკასიური ტომები] გვძიძგნიდნენ, ხან ყივჩაღები – მაგრამ რუსეთმა ყველაფერს გაუძლო. ამ გადამდებ კორონავირუსსაც გავუძლებთ. ყველაფერს გადავლახავთ ერთად“, – ამბობს რუსეთის პრეზიდენტი.
მისი თქმით, რეგიონებს შორის ტვირთბრუნვა რუსეთში არ შეჩერდება და ბიზნესსაქმიანობა ქვეყანაში ვერ შეიზღუდება მასობრივად, რადგან კატეგორიულ შეზღუდვებს შესაძლოა ქვეყნის ეკონომიკისთვის დამანგრეველი შედეგები მოჰყვეს.
ბოლო მონაცემებით, რუსეთში ახალი კორონავირუსით ინფიცირების 8 672 შემთხვევაა დაფიქსირებული, მათგან დაიღუპა 63, თუმცა არსებობს მოსაზრება, რომ რუსეთი პანდემიის გავრცელების რეალურ მასშტაბებს არ ასაჯაროვებს.
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")
