Batumelebi | ბოლო 10 საათის განმავლობაში პოლიციამ 121 ადამიანი დააჯარიმა ბოლო 10 საათის განმავლობაში პოლიციამ 121 ადამიანი დააჯარიმა – Batumelebi

ბოლო 10 საათის განმავლობაში პოლიციამ 121 ადამიანი დააჯარიმა

ბოლო 24 საათის განმავლობაში, ქვეყნის მასშტაბით, საგანგებო მდგომარეობის რეჟიმისა და კომენდანტის საათის შეზღუდვების დარღვევის 158 ახალი ფაქტი გამოვლინდა.

პოლიციამ 8 აპრილის დილის 06:00  საათამდე კომენდანტის საათის დარღვევის ფაქტზე, მთელი ქვეყნის მასშტაბით, 121 მოქალაქე დააჯარიმა.

საჯარო სივრცეში 3-ზე მეტი პირის შეკრების შეზღუდვის და 2-მეტრიანი სოციალური დისტანციის დაუცველობის გამო 4 მოქალაქე დაჯარიმდა. გამოვლინდა თვითიზოლაციის წესების დარღვევის 2 ახალი ფაქტი.

მგზავრთა გადაყვანისა და ავტომობილით გადაადგილების წესის დარღვევის ფაქტზე კი პოლიციამ კიდევ 31 პირი დააჯარიმა.

საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com