მთავარი,სიახლეები

მეზღვაურთა საბუთებისა და სამედიცინო მოწმობების მოქმედების ვადა გააგრძელეს

07.04.2020 • 2040
მეზღვაურთა საბუთებისა და სამედიცინო მოწმობების მოქმედების ვადა გააგრძელეს

საზღვაო ტრანსპორტის სააგენტოს დირექტორის 6 აპრილის ბრძანებით, მეზღვაურთა საბუთების და სამედიცინო მოწმობების მოქმედების ვადა 6 თვით გაგრძელდა.

ბრძანებაში აღნიშნულია, რომ ასეთი გადაწყვეტილება ახალი კორონავირუსის [COVID-19] გავრცელების პრევენციისა და ქვეყანაში შექმნილი მდგომარეობის გამო იქნა მიღებული.

საზღვაო ტრანსპორტის სააგენტოს დირექტორის ბრძანების მიხედვით:

[checklist]

  • ყველა მეზღვაურის საბუთი (კომპეტენციის დამადასტურებელი სერტიფიკატი/კვალიფიკაციის დამადასტურებელი სერტიფიკატი/მეზღვაურის წიგნაკი), რომლის მოქმედების ვადაც იწურება 2020 წლის 1-ელ სექტემბრამდე ავტომატურად იქნეს გაგრძელებული 6 თვით. აღნიშნული ვადის გაგრძელებით სარგებლობს ყველა სერტიფიკატის მქონე მეზღვაური სააგენტოზე ოფიციალურად მომართვის გარეშე.
  • ყველა გემზე მყოფი მეზღვაურის სამედიცინო მოწმობა, რომელიც გაცემულია და რომლის მოქმედების ვადაც ამოიწურა  2020 წლის 1-ელი იანვრის შემდეგ, ავტომატურად იქნეს გაგრძელებული 6 თვის ვადით. აღნიშნული ვადის გაგრძელებით სარგებლობს მეზღვაური სააგენტოზე ოფიციალურად მომართვის გარეშე.

[/checklist]

ამავე ბრძანებით, მეზღვაურებს, რომელთა კომპეტენციის ან კვალიფიკაციის დამადასტურებელი სერტიფიკატების მოქმედების ვადა ეწურებათ იმ პერიოდის განმავლობაში, სანამ მოქმედებს COVID-19-თან დაკავშირებული შეზღუდვები და რომლებიც დარეგისტრირებულნი იყვნენ ან დარეგისტრირდებიან სერტიფიკატის გასაახლებლად საჭირო კურსებზე სააგენტოს მიერ აღიარებულ მეზღვაურთა საწვრთნელ ცენტრში [რომლის ჩატარებაც შეიზღუდა კორონა ვირუსის COVID-19 გამო], შეუძლიათ სერტიფიკატის გასაახლებლად გააკეთონ განაცხადი ჩვეულებისამებრ 2020 წლის 22 აპრილიდან.

„სააგენტო ყველა ასეთ მეზღვაურზე გასცემს შეაბამისი ვადიანობის სერტიფიკატებს, კანონმდებლობით დადგენილი სხვა მოთხოვნების დაკმაყოფილების შემთხვევაში. ასეთი უფლებით სარგებლობისთვის მეზღვაური ვალდებულია წარადგინოს მტკიცებულება, რომ იგი დარეგისტრირებულია შესაბამის საწვრთნელ ცენტრში, შესაბამის საწვრთნელ კურსზე.

ადმინისტრაციული წერილი, რომელიც გაიცემა ყველა ასეთ სერტიფიკატზე, დაადგენს ვალდებულებას, რომ მართვის/ექსპლუატაციის დონის მეზღვაური სერტიფიკატის გაცემიდან 6 თვის ვადაში, ხოლო რიგითი შემადგენლობა 9 თვის ვადაში, ვალდებულია გაიაროს შესაბამისი საწვრთნელი კურსი. აღნიშნული ვადის გასვლის შემდეგ, წვრთნის გაუვლელობის შემთხვევაში, გაცემული სერტიფიკატის მოქმედება შეჩერდება,“ – აღნიშნულია ბრძანებაში.

ამასთან, საზღვაო უსაფრთხოების მიზნებიდან გამომდინარე, ეს პირობები არ ეხება იმ მეზღვაურებს, რომელთა სერტიფიცირებაც ხორციელდება შესაბამის თანამდებობაზე პირველად.

აღნიშნული ბრძანება საერთაშორისო საზღვაო ორგანიზაციის (IMO) წევრ სახელმწიფოებში დაიგზავნება IMO-ს სამდივნოს მეშვეობით.

ამ თემაზე:

მეზღვაურთა სერტიფიცირებისა და საკვალიფიკაციო გამოცდები შეჩერდა 

გადაბეჭდვის წესი


ასევე: