მთავარი,სიახლეები

ბათუმში კორონავირუსის 3 ახალი შემთხვევა დადასტურდა

06.04.2020 • 2253
ბათუმში კორონავირუსის 3 ახალი შემთხვევა დადასტურდა

აჭარის ჯანდაცვის სამინისტროს ინფორმაციით, დღეს, 6 აპრილს, ბათუმში კორონავირუსის სამი ახალი შემთხვევა დადასტურდა.

კორონავირუსით დაინფიცირებული პირები კარანტინში იმყოფებოდნენ, ორს თურქეთში მოგზაურობის ისტორია აქვს, ერთი კი ლონდონში იმყოფებოდა. ინფიცირებული პირები ბათუმში, კლინიკა „მედალფაში“ იმკურნალებენ.

„სამივეს მდგომარეობა არის საშუალო და მსუბუქი. სამივე არის 45 წლამდე ასაკის. აქედან, ორი პირი იყო საკარანტინო სივრცეში, მეორე კი კლინიკაში აეროპორტიდან გადაიყვანეს. ამ პირის ტრანპორტირება იყო იზოლირებული, თუმცა კონტაქტების მოძიება მიმდინარეობს“-აცხადებენ სამინისტროში.

ბოლო მონაცემებით ბათუმში კორონავირუსით ინფიცირებულ 12 პაციენტს მკურნალობენ, მათგან ერთის მდგომარეობა მძიმეა.

6 აპრილის [11 სთ] ოფიციალური მონაცემებით, ქვეყნის მასშტაბით კორონავირუსის 188 შემთხვევაა დადასტურებული, მათ შორის, გამოჯანმრთელდა 36 ადამიანი, გარდაიცვალა – 2.  კარანტინში 5 056 ადამიანი იმყოფება, სტაციონარში კი 386 პაციენტი მკურნალობს.

 

გადაბეჭდვის წესი


ასევე: