მთავარი,სიახლეები

ბათუმში ერთი თვით სატრანსპორტო მოძრაობა იზღუდება სამ ადგილას

03.04.2020 • 1062
ბათუმში ერთი თვით სატრანსპორტო მოძრაობა იზღუდება სამ ადგილას

ბათუმის მერიის ცნობით, მუნიციპალური ინფრასტრუქტურის რეაბილიტაციის პროექტის ფარგლებში მიმდინარე წყალარინების ქსელის მოწყობის სამუშაოების გამო ხვალიდან ერთი თვის განმავლობაში სატრანსპორტო მოძრაობა შეიზღუდება შემდეგ მონაკვეთებზე:

  • რუსთაველის ქუჩა – მელიქიშვილისა და ჩარმიქლის ქუჩებს შორის არსებული მონაკვეთი
  • აღმაშენებლის ქუჩა – ტაბიძისა და ხახულის ქუჩებს შორის არსებული მონაკვეთი
  • აეროპორტის გზატკეცილი – აღმაშენებლის წრიულიდან ბაგრატიონის ქუჩამდე

მერიის ინფორმაციით, პროექტი მოიცავს წყალარინების სისტემის რეაბილიტაციას ლეონიძის, ხახულის, აღმაშენებლის, კობალაძის, ფიროსმანის, ინასარიძის ქუჩების მიმდებარე ტერიტორიებზე.

სარეაბილიტაციო სამუშაოები 2019 წლის ივნისში დაიწყო და მიმდინარე წლის მეოთხე კვარტალში დასრულდება.

სამუშაოების მიმდინარეობისას ავტოსატრანსპორტო საშუალებები ალტერნატიული ქუჩებით იმოძრავებენ.

გადაბეჭდვის წესი


ასევე: