Batumelebi | სკოლებს ონლაინსწავლებისთვის ქართული პლატფორმის გამოყენება შეუძლიათ – სამინისტრო სკოლებს ონლაინსწავლებისთვის ქართული პლატფორმის გამოყენება შეუძლიათ – სამინისტრო – Batumelebi
RU | GE  

სკოლებს ონლაინსწავლებისთვის ქართული პლატფორმის გამოყენება შეუძლიათ – სამინისტრო

განათლების სამინისტროს ინფორმაციით, სკოლებს ონლაინსწავლებისთვის კიდევ ერთ ალტერნატიულ პლატფორმაზე –  Feedc Edu-ზე ექნებათ წვდომა. პლატფორმა ქართულენოვანია.

სამინისტროს ინფორმაციით, აღნიშნული პლატფორმა სრულიად უფასოა, სრულყოფილად მუშაობს ნებისმიერ სმარტფონზე და არ სჭირდება მაღალი სიჩქარის ინტერნეტი. მასზე შესაძლებელია დავალებების გაზიარება, ფაილების ატვირთვა-ჩამოტვირთვა და ჯგუფური მეცადინეობის წარმართვა.

„მისი გამოყენება მარტივია როგორც მასწავლებლისთვის, ასევე მოსწავლისა და მშობლისთვის. ასევე, მარტივია რეგისტრაციის გავლა, რაც მობილური ტელეფონის ნომრით არის შესაძლებელი,“- ნათქვამია სამინისტროს განცხადებაში.

იმ შემთხვევ, თუ მომხმარებელს შეკითხვები გაუჩნდება, მას პლატფორმის ტექნიკური ჯგუფი Feedc Edu -ზე არსებული „ჩათის“ მეშვეობით ონლაინრეჟიმში გაუწევს დახმარებას.

გარდა ამისა, მომხმარებელს შეუძლია ვებგვერდზე არსებული ვიდეოინსტრუქციის მეშვეობით გაეცნოს მოხმარების წესებს. ასევე, დაინტერესებულ პირებს Facebook-ში შეეძლებათ მოიძიონ დამატებითი მხარდაჭერის ჯგუფი Feedc Edu, რომელიც დაეხმარება მათ რეგისტრაციასა და პლატფორმასთან მუშაობაში ან დარეკონ ტელეფონის ნომერზე: 555 458 417.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com