მთავარი,სიახლეები

„დარჩი სახლში ნიშნავს იმასაც, რომ არ გადახვიდე მეზობელთან ყავაზე“ – ზაალ მიქელაძე

30.03.2020 • 42679
„დარჩი სახლში ნიშნავს იმასაც, რომ არ გადახვიდე მეზობელთან ყავაზე“ – ზაალ მიქელაძე

აჭარის  ჯანდაცვის მინისტრი ზაალ მიქელაძე კიდევ ერთხელ მოუწოდებს მოსახლეობას სახლში დარჩენისკენ. მისი თქმით, კორონავირუსის პრევენციისთვის უმნიშვნელოვანესია ადამიანებმა მკაცრად დაიცვან ფიზიკური იზოლაციიის წესები:

„არავის არ მოუხსნია ადამიანებისთვის მოწოდება „დარჩი სახლში“. ნუ გაიგებენ, რომ „დარჩი სახლში“ ნიშნავს  სამუშაოზე არ წახვიდე,  მაგრამ იარო მეზობლებში,  ყავაზე, დაბადების დღეებზე და ა.შ.

სანამ ამას არ მიხვდება ჩვენი ხალხი, მანამდე უნდა იცოდნენ რომ ეს რისკი [ვირუსით დაინფიცირების] ექნება ყველას.

ბათუმში ბოლოს დაინფიცირებული ადამიანის კონტაქტები თითქმის 99 %-იანი სიზუსტითაა დადგენილი. მაგრამ ვიღაც შეიძლება დადის, რომელიც არ ვიცით არის თუ არა საერთოდ ამ ვირუსის მატარებელი. აქედან გამომდინარე, ვთხოვთ ადამიანებს, რომ დარჩნენ სახლში.  ამას  ნუ გაიგებენ, რომ სამუშაოზე არ იარონ და დასვენება მოიწყონ.

არა ბატონო, უნდა დარჩე სახლში და მეზობელთან არ იარო.

გუშინ ორი საათი მქონდა დრო. ვიყავი გადასაკონტროლებლად, თუ როგორ აწარმოებდნენ მერიები და ახალგაზრდული ორგანიზაციები ე.წ. სასურსათო კალათის დარიგებას. რაიმე შეცდომა რომ არ დაეშვათ, მკაცრად ვაკონტროლებდი. აღმოვაჩინე ქუჩები, სადაც გამოსული იყვნენ ადამიანები. ხუთი-ექვსი-ათი კაცი, თამაშობენ ნარდს და დომინოს. ეს აღარ არის დარჩი სახლში.

ახლა იძულებული გახადეს სახელმწიფო წასულიყო რეჟიმის კიდევ უფრო  გამკაცრებაზე. მართლა  ყველა ქუჩაზე ჯარისკაცს ხომ არ დავაყენებთ.

დარჩი, ნიშნავს, რომ იმ მეზობელთანაც კი არ უნდა გახვიდე, თორემ აბა სამედიცინო პერსონალმა იცის ისედაც როგორ დაიცვას ეს რეჟიმი.

ერთადერთი გზა არის გადარჩენის, რომ მოქალაქე არ გავიდეს თავისი საცხოვრებელი ფართის გარეთ. კორპუსებში ეს ბინაა, სოფელში ეს საცხოვრებელი სახლია. სოფელში უფრო ადვილია მაინც, ჩავა და თავის ბაღ-ბოსტანს მიხედავს. მოქალაქეებს მინდა მივმართო კიდევ ერთხელ, – დარჩი სახლში რეალურად სახლში დარჩენაა და არა მეზობლებში გართობა“.

გადაბეჭდვის წესი


ასევე: