მთავარი,სიახლეები

საბაჟო გამშვები პუნქტები მგზავრებისთვის შეზღუდული გრაფიკით მუშაობენ

27.03.2020 • 2538
საბაჟო გამშვები პუნქტები მგზავრებისთვის შეზღუდული გრაფიკით მუშაობენ

შემოსავლების სამსახურის ინფორმაციით, ახალი კორონავირუსის პანდემიისა და საგანგებო მდგომარეობის გამო საქართველოს საზღვრის კვეთის წესები გამკაცრებულია.

ახალი, დროებითი რეგულაციების თანახმად, საქართველოს საზღვრის კვეთა საქართველოს მოქალაქე მგზავრებისთვის/ფიზიკური პირებისთვის შესაძლებელია – მხოლოდ 10:00 საათიდან 18:00 საათამდე და მხოლოდ შემდეგი საბაჟო გამშვები პუნქტების საშუალებით:

თურქეთის რესპუბლიკა

[checklist]

  • ნებადართულია მხოლოდ სარფის საბაჟო გამშვები პუნქტიდან;

[/checklist]

[crosslist]

  • კარწახისა და ვალეს საბაჟო  გამშვები პუნქტები ფიზიკური პირების გადაადგილებისთვის დახურულია.

[/crosslist]

აზერბაიჯანის რესპუბლიკა

[checklist]

  • ნებადართულია მხოლოდ წითელი ხიდის საბაჟო გამშვები პუნქტიდან;

[/checklist]

[crosslist]

  • ლაგოდეხის, სამთაწყაროსა და მტკვრის საბაჟო გამშვები პუნქტები ფიზიკური პირების გადაადგილებისთვის დახურულია.

[/crosslist]

სომხეთის რესპუბლიკა

[checklist]

  •  ნებადართულია მხოლოდ სადახლო-საავტომობილოს საბაჟო გამშვები პუნქტიდან;

[/checklist]

[crosslist]

  • გუგუთის, ახკერპისა და ნინოწმინდას საბაჟო გამშვები პუნქტები ფიზიკური პირების გადაადგილებისთვის დახურულია.

[/crosslist]

რუსეთის ფედერაცია

[checklist]

  • ნებადართულია ყაზბეგის საბაჟო გამშვები პუნქტიდან.

[/checklist]

რაც შეეხება, ტვირთების გადამზიდავი ავტოსატრანსპორტო საშუალებების გადაადგილებას, შემოსავლების სამსახურის ინფორმაციით, აღნიშნული შეზღუდვა მათ არ შეეხება და საქართველოს საბაჟო საზღვარზე მათი გადაადგილება 24-საათიან რეჟიმში მიმდინარეობს, შესაბამისად ამ მიზნისთვის შემუშავებული სპეციალური პროტოკოლის დაცვით.

საქართველოს საზღვრის კვეთის წესები გამკაცრებულ სისტემას ახალი კორონავირუსის (COVID–19) გავრცელების საფრთხის პრევენციისა და უკეთ მართვის უზრუნველყოფის მიზნით, უწყებათაშორისი საკოორდინაციო საბჭოს მიერ მიღებული გადაწყვეტილების შედეგად დაექვემდებარა.

„შემოსავლების სამსახურის ექიმი ეპიდემიოლოგების მიერ ხდება საქართველოს მოქალაქე მგზავრთა უმკაცრესი, ინდივიდუალური მონიტორინგი, რაც გულისხმობს მგზავრთან გასაუბრებას, ტემპერატურის გაზომვას, სათანადო კლინიკური ნიშნების შეფასებას და შესაბამისი დეტალური მოგზაურობის ანამნეზის შეკრებას.

მიღებული ინფორმაციის ანალიზის შემდეგ, ექიმი ეპიდემიოლოგი იღებს გადაწყვეტილებას პირის იზოლაციის ან სამედიცინო დაწესებულებაში გადაყვანის თაობაზე, ხოლო მგზავრის სააღრიცხვო ბარათს (დანართი N9) დადგენილი წესის თანახმად, აწვდის დაავადებათა კონტროლისა და საზოგადოებრივი ჯანმრთელობის ეროვნულ ცენტრს,“ – აცხადებს შემოსავლების სამსახური.

საქართველოში დაბრუნებული  საქართველოს ყველა მოქალაქის გადაყვანას საკარანტინო ზონაში, შესაბამისი პროცედურების დაცვით, უზრუნველყოფს შინაგან საქმეთა სამინისტროს საპატრულო პოლიციის ეკიპაჟი.

ამავე თემაზე:

„დავკარგე პირადობა, დავარღვიე სავიზო რეჟიმი“ – თურქეთიდან დაბრუნებაზე საკონსულოს განმარტება

გადაბეჭდვის წესი


ასევე: