Batumelebi | როგორ დავბრუნდეთ თურქეთიდან საქართველოში – საკონსულოს განმარტება როგორ დავბრუნდეთ თურქეთიდან საქართველოში – საკონსულოს განმარტება – Batumelebi
RU | GE  

როგორ დავბრუნდეთ თურქეთიდან საქართველოში – საკონსულოს განმარტება

დღეიდან, 23 მარტიდან, თურქეთის რესპუბლიკაში მცხოვრებ საქართველოს  მოქალაქეებს საქართველოში დაბრუნება მხოლოდ სარფის საბაჟოს გავლით შეუძლიათ.

ტრაბზონში საქართველოს საკონსულოს ცნობით, გამომდინარე იქიდან, რომ თურქეთში 23 მარტის მდგომარეობით გადაადგილება შეზღუდული არაა, ასევე შეუფერხებლად ხორციელდება შიდა ფრენები, საქართველოს მოქალაქეებს შეუძლიათ ისარგებლონ საზოგადოებრივი ტრანსპორტით – ავტობუსებით და თვითმფრინავებით.

ერთადერთი შეზღუდვა დაწესებულია სარფის საბაჟოზე, რომელიც დილის ათიდან საღამოს ექვს საათამდე (საქართველოს დროით) მუშაობს. სწორედ ამ დროის განმავლობაში უნდა მოახერხონ საქართველოს მოქალაქეებმა საზღვრის კვეთა.

ამასთან, საქართველოს მთავრობის გადაწყვეტილებით, ყველა პირი, რომელიც საქართველოს საზღვარს 22 მარტის შემდეგ გადმოკვეთს, გაივლის ორკვირიან სავალდებულო კარანტინს.

საქართველოს საელჩო თურქეთში მოუწოდებს მოქალაქეებს დამატებითი კითხვების შემთხვევაში, დაუკავშირდნენ ცხელ ხაზს:

  • ანკარაში საქართველოს საელჩოს ცხელი ხაზი: +90 533 690 30 40; +905392208280
  • სტამბოლში საქართველოს გენერალური საკონსულოს ცხელი ხაზი: +90 541 818 44 00
  • ტრაპიზონში საქართველოს გენერალური საკონსულოს ცხელი ხაზი: +90 541 326 22 26
ნეტგაზეთის მასალების სხვა გამოცემებში გადაბეჭდვის წესი
ავტორი